ਪੰਜਾਬ -ਚ ਸੋਮਵਾਰ ਨੂੰ 77 ਨਵੇਂ ਕੋਰੋਨਾ ਪਾਜ਼ੇਟਿਵ ਕੇਸ ਰਿਪੋਰਟ ਕੀਤੇ ਗਏ। ਸੂਬੇ -ਚ ਪੀੜਤਾਂ ਦੀ ਕੁੱਲ ਗਿਣਤੀ 4288 ਹੋ ਗਈ ਹੈ। 2700 ਮਰੀਜ਼ ਸਿਹਤਯਾਬ ਹੋ ਚੁੱਕੇ ਹਨ। ਐਤਵਾਰ ਨੂੰ ਵੀ 22 ਲੋਕਾਂ ਨੂੰ ਹਸਪਤਾਲ ਤੋਂ ਛੁੱਟੀ ਦਿੱਤੀ ਗਈ। ਦਸ ਦਿਨਾਂ -ਚ 413 ਲੋਕ ਸਿਹਤਯਾਬ ਹੋ ਚੁੱਕੇ ਹਨ। ਅੱਜ ਜਲੰਧਰ ਤੋਂ 44, ਅੰਮ੍ਰਿਤਸਰ ਤੋਂ 8, ਫਿਰੋਜ਼ਪੁਰ-ਪਠਾਨਕੋਟ ਤੋਂ 7-7, ਬਠਿੰਡਾ ਤੋਂ 6, ਸ੍ਰੀ ਮੁਕਤਸਰ ਸਾਹਿਬ-ਗੁਰਦਾਸਪੁਰ ਤੋਂ 2-2 ਤੇ ਬਰਨਾਲਾ ਤੋਂ 1 ਕੇਸ ਹਨ। ਜਲੰਧਰ -ਚ ਕੋਰੋਨਾ ਦੀ ਰਫ਼ਤਾਰ ਰੁਕ ਨਹੀਂ ਰਹੀ ਹੈ। 1. ਅੱਜ 44 ਨਵੇਂ ਮਾਮਲੇ ਦਰਜ ਕੀਤੇ ਗਏ। ਜ਼ਿਲ੍ਹੇ -ਚ ਕੁੱਲ ਮਾਮਲੇ 564 ਹੋ ਗਈ ਹੈ। 2. ਅੰਮ੍ਰਿਤਸਰ -ਚ ਅੱਜ 8 ਵਿਅਕਤੀ ਹੋਰ ਪਾਜ਼ੇਟਿਵ, ਕੁੱਲ ਗਿਣਤੀ 781 ਹੋ ਗਈ ਹੈ। 3. 518 ਮਰੀਜ਼ ਸਿਹਤਮੰਦ ਹੋ ਕੇ ਘਰ ਪਰਤ ਚੁੱਕੇ ਹਨ ਤੇ ਪੀੜਤਾਂ ਦਾ ਇਲਾਜ ਚੱਲ ਰਿਹਾ ਹੈ। 4. ਸ੍ਰੀ ਮੁਕਤਸਰ ਸਾਹਿਬ -ਚ ਸੋਮਵਾਰ ਨੂੰ ਦੋ ਹੋਰ ਨਵੇਂ ਮਰੀਜ਼ ਕੋਰੋਨਾ ਪਾਜ਼ੇਟਿਵ ਆਏ। ਇਨ੍ਹਾਂ ਵਿਚੋਂ ਇਕ ਵਿਅਕਤੀ ਸ੍ਰੀ ਮੁਕਤਸਰ ਸਾਹਿਬ ਵਾਸੀ ਹੈ। ਪਠਾਨਕੋਟ -ਚ ਕੋਰੋਨਾ ਨੇ ਹੈਲਥ ਇੰਸਪੈਕਟਰ ਤੇ ਇਕ ਬੱਚੀ ਸਮੇਤ ਸੱਤ ਹੋਰਾਂ ਨੂੰ ਗਲਵੱਕੜੀ ਪਾਈ ਹੈ ਤੇ ਫਿਰੋਜ਼ਪੁਰ -ਚ ਦੋ ਬੈਂਕ ਮੁਲਾਜ਼ਮਾਂ ਸਮੇਤ ਫਿਰੋਜ਼ਪੁਰ -ਚ 7 ਜਣਿਆਂ ਦੀ ਕੋਰੋਨਾ ਰਿਪੋਰਟ ਪਾਜ਼ੇਟਿਵ ਆਉਣ ਨਾਲ ਚੁਫੇਰੇ ਸਨਸਨੀ ਫੈਲ ਗਈ। ਬੈਂਕ ਮੁਲਾਜ਼ਮਾਂ ਦੀ ਰਿਪੋਰਟ ਪਾਜ਼ੇਟਿਵ ਹੋਣ ਕਾਰਨ ਦੋ ਬੈਂਕਾਂ ਦੀਆਂ ਬ੍ਰਾਂਚਾਂ ਸੀਲ ਕਰ ਦਿੱਤੀਆਂ ਗਈਆਂ ਹਨ। ਬੈਂਕ ਦੇ ਅਮਲੇ ਨੂੰ ਘਰਾਂ -ਚ ਕੁਆਰੰਟਾਈਨ ਕਰ ਦਿੱਤਾ ਗਿਆ ਹੈ। ਬਰਨਾਲਾ ਦੇ ਕਸਬਾ ਸ਼ਹਿਣਾ -ਚ ਕੋਰੋਨਾ ਪਾਜ਼ੇਟਿਵ ਦਾ ਪਹਿਲਾ ਕੇਸ ਆਇਆ ਹੈ। ਇਹ ਇਕ ਔਰਤ ਹੈ ਜੋ ਦਿੱਲੀ ਤੋਂ ਆਪਣੇ ਪੇਕੇ ਘਰ ਛੋਟੀ ਬੱਚੀ ਤੇ ਪਤੀ ਨਾਲ ਬੂਟਾ ਸਿੰਘ ਵਾਸੀ ਸ਼ਹਿਣਾ ਕੋਲ ਲੰਘੀ 15 ਜੂਨ ਨੂੰ ਆਈ ਸੀ। ਗੁਰਦਾਸਪੁਰ -ਚ ਅੱਜ 2 ਪਾਜ਼ੇਟਿਵ ਕੇਸ ਸਾਹਮਣੇ ਆਏ ਹਨ ਤੇ ਇਹ ਦੋਵੇਂ ਹੀ ਸਕੀਆਂ ਭੈਣਾਂ ਹਨ ਤੇ ਦਿੱਲੀ ਤੋਂ ਵਾਪਸ ਆਈਆਂ ਹਨ। ਜ਼ਿਲ੍ਹੇ -ਚ ਐਕਟਿਵ ਕੇਸ 17 ਤੇ ਪੀੜਤਾਂ ਦੀ ਕੁੱਲ ਗਿਣਤੀ 185 ਹੋ ਗਈ ਹੈ।

Daily Dharaledar Online News Views and Reviews