ਫ਼ਤਹਿਗੜ੍ਹ ਸਾਹਿਬ ਜ਼ਿਲ੍ਹੇ ਵਿਚ ਕੋਰੋਨਾ ਨਾਲ ਪਹਿਲੀ ਮੌਤ ਹੋ ਗਈ। ਮ੍ਰਿਤਕ ਸਵਾਮੀ ਮਹਾਦੇਵ ਊਸ਼ਾ ਮਾਤਾ ਮੰਦਰ ਬੱਸੀ ਪਠਾਣਾਂ ਦਾ ਮੁੱਖ ਸੇਵਾਦਾਰ ਤੇ ਸਾਧੂ ਸਮਾਜ ਦਾ ਸੂਬਾ ਪ੍ਰਧਾਨ ਸੀ। ਸਵਾਮੀ ਮਹਾਦੇਵ 1 ਜੂਨ ਨੂੰ ਹਰਿਦੁਆਰ ਗਏ ਸੀ, ਜਿਸ ਤੋਂ ਬਾਅਦ ਉਹ ਹਰਿਦੁਆਰ ਤੋਂ ਜੰਮੂ ਵੀ ਗਏ। ਇਸ ਤੋਂ ਬਾਅਦ ਸਵਾਮੀ ਮਹਾਦੇਵ ਬੱਸੀ ਪਠਾਣਾਂ ਮੰਦਰ -ਚ ਆਏ ਸਨ ਜਿਨ੍ਹਾਂ ਨੂੰ ਬੁਖਾਰ ਤੇ ਖੰਘ ਦੀ ਸ਼ਿਕਾਇਤ ਹੋਣ ਕਾਰਨ ਕੁਝ ਸ਼ਰਧਾਲੂਆਂ ਨੇ 14 ਜੂਨ ਨੂੰ ਅਪੋਲੋ ਹਸਪਤਾਲ ਲੁਧਿਆਣਾ ਭਾਰਤੀ ਕਰਵਾਇਆ ਸੀ। ਉੱਥੇ ਉਨ੍ਹਾਂ ਦਾ ਕੋਰੋਨਾ ਟੈਸਟ ਪਾਜ਼ੇਟਿਵ ਪਾਇਆ ਗਿਆ ਸੀ। ਅਪੋਲੋ ਹਸਪਤਾਲ -ਚ ਸਵਾਮੀ ਮਹਾਦੇਵ ਦੀ ਵੀਰਵਾਰ ਰਾਤ ਕਰੀਬ 9 ਵਜੇ ਮੌਤ ਹੋ ਗਈ। ਸੂਤਰਾਂ ਮੁਤਾਬਕ ਸਵਾਮੀ ਮਹਾਦੇਵ ਦੇ ਸੰਪਰਕ -ਚ ਵੱਡੀ ਗਿਣਤੀ -ਚ ਸ਼ਰਧਾਲੂ ਤੇ ਇਕ ਪੁਲਿਸ ਦਾ ਉੱਚ ਅਧਿਕਾਰੀ ਵੀ ਆਇਆ ਸੀ। ਹੁਣ ਸਵਾਮੀ ਮਹਾਦੇਵ ਦੀ ਮੌਤ ਤੋਂ ਬਾਅਦ ਸ਼ਹਿਰ -ਚ ਹਫੜਾ-ਦਫੜੀ ਦਾ ਮਾਹੌਲ ਹੈ।

Daily Dharaledar Online News Views and Reviews