June 17, 2025
Rajni / Chandigarh
Reporter..Rajni
ਕੇਂਦਰ ਦੀ ਨਹਿਰੀ ਯੋਜਨਾ : ਪੰਜਾਬ, ਹਰਿਆਣਾ ਤੇ ਰਾਜਸਥਾਨ ਨੂੰ ਮਿਲੇਗਾ ਚੇਨਾਬ ਦਰਿਆ ਦਾ ਪਾਣੀ
ਚੰਡੀਗੜ੍ਹ, 17 ਜੂਨ, 2025
ਕੇਂਦਰ ਸਰਕਾਰ ਨੇ ਸਿੰਧੂ ਦਰਿਆਈ ਸਮਝੌਤਾ ਰੱਦ ਕਰਨ ਤੋਂ ਬਾਅਦ 3 ਸਾਲਾਂ ਦੇ ਅੰਦਰ-ਅੰਦਰ 113 ਕਿਲੋਮੀਟਰ ਲੰਬੀ ਨਹਿਰ ਬਣਾ ਕੇ ਚੇਨਾਬ ਦਰਿਆ ਦੇ ਪਾਣੀ ਨੂੰ ਰਾਵੀ-ਸਤਲੁਜ-ਬਿਆਸ ਦੇ ਪਾਣੀਆਂ ਨਾਲ ਮਿਲਾ ਕੇ ਪੰਜਾਬ, ਹਰਿਆਣਾ ਤੇ ਰਾਜਸਥਾਨ ਨੂੰ ਵਾਧੂ ਪਾਣੀ ਦੇਣ ਦੀ ਯੋਜਨਾ ਬਣਾਈ ਹੈ।
ਯੋਜਨਾ ਮੁਤਾਬਕ ਭਾਰਤ ਦੇ ਹਿੱਸੇ ਦਾ ਚੇਨਾਬ, ਸਿੰਧੂ ਤੇ ਜੇਲ੍ਹਮ ਨਦੀ ਦਾ ਵਾਧੂ ਪਾਣੀ ਜੋ ਪਾਕਿਸਤਾਨ ਜਾ ਰਿਹਾ ਸੀ, ਸਿੰਧੂ ਦਰਿਆਈ ਸਮਝੌਤਾ ਰੱਦ ਕਰਨ ਮਗਰੋਂ ਕੇਂਦਰ ਸਰਕਾਰ ਨੇ ਇਸ ਪਾਣੀ ਨੂੰ ਵਰਤੋਂ ਵਿਚ ਲਿਆਉਣ ਦੀ ਸਕੀਮ ਬਣਾਈ ਹੈ। ਇਸ ਪਾਣੀ ਨੂੰ ਪਣ ਬਿਜਲੀ ਪ੍ਰਾਜੈਕਟ, ਸਿੰਜਾਈ ਤੇ ਪੀਣ ਵਾਲੇ ਪਾਣੀ ਵਾਸਤੇ ਵਰਤਿਆ ਜਾਵੇਗਾ।
ਅਮਿਤ ਸ਼ਾਹ ਮੁਤਾਬਕ ਇਸ ਯੋਜਨਾ ਤਹਿਤ ਪਾਣੀ ਰਾਜਸਥਾਨ ਦੇ ਸ੍ਰੀ ਗੰਗਾਨਗਰ ਤੱਕ ਲਿਆਂਦਾ ਜਾਵੇਗਾ। ਤਜਵੀਜ਼ ਮੁਤਾਬਕ ਰਣਬੀਰ ਨਹਿਰ ਦੀ ਲੰਬਾਈ ਦੁੱਗਣੀ ਕੀਤੀ ਜਾਵੇਗੀ। ਉਹ ਇਸ ਤਰੀਕੇ ਉਲੀਕੀ ਗਈ ਹੈ ਕਿ ਜੰਮੂ, ਪੰਜਾਬ, ਹਰਿਆਣਾ ਤੇ ਰਾਜਸਥਾਨ ਵਿਚ 13 ਥਾਵਾਂ ’ਤੇ ਇਹ ਮੌਜੂਦਾ ਨਹਿਰਾਂ ਨਾਲ ਜੁੜੇਗੀ ਜੋ ਪਹਿਲਾਂ ਹੀ ਸਤਲੁਜ ਬਿਆਸ ਦਾ ਪਾਣੀ ਲੈ ਕੇ ਜਾ ਰਹੀਆਂ ਹਨ।
Powered by Froala Editor
