ਧੜੱਲੇਦਾਰ ਬਿਊਰੋ 

ਪੰਜਾਬੀ, ਡੋਗਰੀ ਤੇ ਕਸ਼ਮੀਰੀ ਕਵੀਆਂ ਨੇ ਦਿੱਤਾ ਸਬਰ, ਸੰਤੋਖ ਤੇ ਭਾਈਚਾਰਕ ਸਾਂਝ ਦਾ ਸੁਨੇਹਾ

ਪਟਿਆਲਾ 28 ਜੁਲਾਈ 2025 :

ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਦੀ ਸ਼ਹੀਦੀ ਦੇ 350ਵੇਂ ਵਰ੍ਹੇ ਨੂੰ ਸਮਰਪਿਤ ਭਾਸ਼ਾ ਵਿਭਾਗ ਪੰਜਾਬ ਵੱਲੋਂ ‘ਤੇਗ ਬਹਾਦਰ ਸਿਮਰਿਐ’ ਸਿਰਲੇਖ ਹੇਠ ਕਈ ਸਮਾਗਮ ਕਰਵਾਏ ਗਏ। ਇਨ੍ਹਾਂ ਵਿੱਚੋਂ ਤੀਜਾ ਸਮਾਗਮ ‘ਕਾਵਿ ਸ਼ਰਧਾਂਜਲੀ’ ਜੰਮੂ-ਕਸ਼ਮੀਰ ਅਕੈਡਮੀ ਆਫ਼ ਆਰਟ, ਕਲਚਰ ਐਂਡ ਲੈਂਗੂਏਜਿਜ਼ ਸ੍ਰੀਨਗਰ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ। ਇਸ ਕਵੀ ਦਰਬਾਰ ਦੌਰਾਨ ਪੰਜਾਬੀ, ਡੋਗਰੀ ਅਤੇ ਕਸ਼ਮੀਰੀ ਕਵੀਆਂ ਨੇ ਗੁਰੂ ਜੀ ਨੂੰ ਆਪਣੀ ਰਚਨਾਵਾਂ ਰਾਹੀਂ ਅਕੀਦਤ ਭੇਟ ਕੀਤੀ। ਸਮਾਗਮ ਦੀ ਪ੍ਰਧਾਨਗੀ ਡਾ. ਜਸਵੰਤ ਸਿੰਘ ਜ਼ਫ਼ਰ, ਦਰਸ਼ਨ ਬੁੱਟਰ ਅਤੇ ਅਜੀਤ ਸਿੰਘ ਮਸਤਾਨਾ ਨੇ ਕੀਤੀ। ਡਾ. ਜਸਵੰਤ ਸਿੰਘ ਜ਼ਫ਼ਰ ਨੇ ਗੁਰੂ ਜੀ ਦੀ ਸ਼ਹੀਦੀ ਨੂੰ ਪ੍ਰੇਰਣਾਦਾਇਕ ਵਿਰਾਸਤ ਦੱਸਦੇ ਹੋਏ, ਅਮਰਜੀਤ ਸਿੰਘ ਗਰੇਵਾਲ ਦੀ ਕਵਿਤਾ ਦਾ ਅਨੁਵਾਦ ਪੇਸ਼ ਕੀਤਾ। ਕਵੀ ਗੁਰਨਾਮ ਸਿੰਘ ਅਰਸ਼ੀ, ਰਘਬੀਰ ਸਿੰਘ ਬੀਰ, ਮੰਗਤ ਸਿੰਘ ਜੁਗਨੂੰ, ਡਾ. ਜੋਗਿੰਦਰ ਸਿੰਘ ਸ਼ਾਨ, ਸੁਰਿੰਦਰ ਕੌਰ ਨੀਰ, ਡਾ. ਸ਼ੁਕਰਗੁਜ਼ਾਰ ਸਿੰਘ, ਡਾ. ਸੰਦੀਪ ਸ਼ਰਮਾ, ਰਮਨ ਸੰਧੂ, ਸੁਸ਼ੀਲ ਬੇਗਾਨਾ, ਡਾ. ਹਰੀ ਸਿੰਘ ਜਾਚਕ, ਦਵਿੰਦਰ ਸੈਫ਼ੀ, ਗੁਰਪ੍ਰੀਤ ਮਾਨਸਾ, ਵਿਜੇ ਠਾਕੁਰ ਅਤੇ ਬਲਵਿੰਦਰ ਸੰਧੂ ਆਦਿ ਕਵੀਆਂ ਨੇ ਆਪਣੀ-ਆਪਣੀ ਰਚਨਾ ਰਾਹੀਂ ਗੁਰੂ ਜੀ ਨੂੰ ਸ਼ਰਧਾਂਜਲੀ ਅਰਪਿਤ ਕੀਤੀ। ਸਾਰੇ ਕਵੀਆਂ ਨੂੰ ਵਿਭਾਗ ਵੱਲੋਂ ਸ਼ਾਲ ਪਾ ਕੇ ਸਨਮਾਨਿਤ ਕੀਤਾ ਗਿਆ। ਕਵੀ ਦਰਬਾਰ ਦੀ ਸੰਜੋੜਕ ਭੂਮਿਕਾ ਸਵਾਮੀ ਅੰਤਰੀਵ ਨੇ ਅਤੇ ਮੰਚ ਸੰਚਾਲਨ ਡਾ. ਮਨਜਿੰਦਰ ਸਿੰਘ ਨੇ ਨਿਭਾਇਆ।

Powered by Froala Editor