ਧੜੱਲੇਦਾਰ ਬਿਊਰੋ

ਸੀਨੀਅਰ ਆਈ.ਏ.ਐਸ. ਮੁਹੰਮਦ ਤਾਇਬ ਅਤੇ ਡੀ.ਸੀ. ਡਾ. ਪ੍ਰੀਤੀ ਯਾਦਵ ਵੱਲੋਂ ਸਰਾਲਾ ਹੈਡ ਅਤੇ ਮਾੜੂ 'ਚ ਘੱਗਰ ਦਰਿਆ ਦੇ ਵਹਾਅ ਦਾ ਜਾਇਜ਼ਾ

ਘਨੌਰ/ਪਟਿਆਲਾ, 29 ਅਗਸਤ :

ਪੰਜਾਬ ਸਰਕਾਰ ਵੱਲੋਂ ਪਟਿਆਲਾ ਦੀ ਨਿਗਰਾਨੀ ਲਈ ਤਾਇਨਾਤ ਸੀਨੀਅਰ ਆਈ.ਏ.ਐਸ. ਅਧਿਕਾਰੀ ਮੁਹੰਮਦ ਤਾਇਬ ਅਤੇ ਡਿਪਟੀ ਕਮਿਸ਼ਨਰ ਡਾ. ਪ੍ਰੀਤੀ ਯਾਦਵ ਨੇ ਘਨੌਰ ਨੇੜੇ ਸਰਾਲਾ ਹੈਡ ਤੇ ਮਾੜੂ 'ਚ ਘੱਗਰ ਦਰਿਆ ਦਾ ਦੌਰਾ ਕਰਕੇ ਪਾਣੀ ਦੇ ਵਹਾਅ ਅਤੇ ਡਰੇਨੇਜ ਵਿਭਾਗ ਵੱਲੋਂ ਕੀਤੇ ਕੰਮਾਂ ਦਾ ਨਿਰੀਖਣ ਕੀਤਾ। ਉਨ੍ਹਾਂ ਕਿਹਾ ਕਿ ਹੜ੍ਹਾਂ ਤੋਂ ਬਚਾਅ ਲਈ ਸਾਰੇ ਪ੍ਰਬੰਧ ਪੂਰੇ ਹਨ, ਕਿਸੇ ਵੀ ਖ਼ਤਰੇ ਦੀ ਲੋੜ ਨਹੀਂ। ਫਿਲਹਾਲ ਘੱਗਰ 'ਚ ਪਾਣੀ ਸਰਾਲਾ 'ਤੇ 11 ਫੁੱਟ ਅਤੇ ਭਾਂਖਰਪੁਰ 'ਤੇ 5 ਫੁੱਟ ਗੇਜ 'ਤੇ ਹੈ। ਪਾਣੀ ਰਾਤ ਤੱਕ ਵਧ ਸਕਦਾ ਹੈ ਪਰ ਫਿਰ ਘਟੇਗਾ। ਟਾਂਗਰੀ ਅਤੇ ਮਾਰਕੰਡਾ ਨਦੀਆਂ 'ਚ ਵੀ ਪਾਣੀ ਵੱਧ ਰਿਹਾ ਹੈ ਪਰ ਸਥਿਤੀ ਨਿਯੰਤਰਣ 'ਚ ਹੈ। ਡਾ. ਯਾਦਵ ਨੇ ਜਲ ਨਿਕਾਸ ਵਿਭਾਗ ਨੂੰ ਸਖਤ ਹਦਾਇਤਾਂ ਦਿੰਦਿਆਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਅਫ਼ਵਾਹਾਂ ਤੋਂ ਬਚੋ, ਪਾਣੀ ਨੇੜੇ ਨਾ ਜਾਓ ਅਤੇ ਬੱਚਿਆਂ ਤੇ ਮਵੇਸ਼ੀਆਂ ਨੂੰ ਵੀ ਦੂਰ ਰਖੋ। ਕਿਸੇ ਵੀ ਐਮਰਜੈਂਸੀ ਲਈ ਹੜ੍ਹ ਕੰਟਰੋਲ ਰੂਮ ਦੇ ਨੰਬਰ 0175-2350550 ਅਤੇ 2358550 'ਤੇ ਸੰਪਰਕ ਕਰੋ।

Powered by Froala Editor