ਧੜੱਲੇਦਾਰ ਬਿਊਰੋ

ਪੰਜਾਬ ਵਿੱਚ ਸੜਕਾਂ - ਪੁਲਾਂ ਦੀ ਮਜ਼ਬੂਤੀ ਲਈ ਤੇਜ਼ ਹੋਏ ਵਿਕਾਸ ਕਾਰਜ

ਚੰਡੀਗੜ੍ਹ, 2 ਅਕਤੂਬਰ 2025 :

ਪੰਜਾਬ ਵਿੱਚ ਸੜਕਾਂ ਅਤੇ ਪੁਲਾਂ ਦੀ ਮਜ਼ਬੂਤੀ ਲਈ ਲੋਕ ਨਿਰਮਾਣ ਵਿਭਾਗ ਨੇ ਵੱਡੇ ਵਿਕਾਸ ਕਾਰਜ ਅੰਜਾਮ ਦਿੱਤੇ ਹਨ। ਨਬਾਰਡ ਸਕੀਮ ਅਧੀਨ ਪਿਛਲੇ ਵਿੱਤੀ ਸਾਲ ਦੌਰਾਨ 279.64 ਕਿਮੀ ਸੜਕਾਂ ਅਤੇ 8 ਪੁਲ ਬਣਾਏ ਗਏ, ਜਿਸ ‘ਤੇ 104.28 ਕਰੋੜ ਰੁਪਏ ਖਰਚ ਹੋਏ। ਵਿੱਤੀ ਸਾਲ 2025-26 ਵਿੱਚ 125 ਕਿਮੀ ਸੜਕਾਂ ਦੀ ਉਸਾਰੀ ਲਈ 192 ਕਰੋੜ ਦਾ ਬਜਟ ਰੱਖਿਆ ਗਿਆ ਹੈ, ਜਿਸ ਵਿੱਚ 14.50 ਕਿਮੀ ਸੜਕਾਂ ਦਾ ਕੰਮ ਪਹਿਲਾਂ ਹੀ ਮੁਕੰਮਲ ਹੋ ਚੁੱਕਾ ਹੈ।

ਮੱਦ 5054 ਅਤੇ ਸੀ.ਆਰ.ਆਈ.ਐਫ਼ ਸਕੀਮਾਂ ਅਧੀਨ ਵੀ ਸੜਕਾਂ ਅਤੇ ਪੁਲਾਂ ਦੀ ਉਸਾਰੀ ਤੇਜ਼ੀ ਨਾਲ ਚੱਲ ਰਹੀ ਹੈ। ਪਿਛਲੇ ਸਾਲ 781 ਕਿਮੀ ਸੜਕਾਂ ਅਤੇ 10 ਪੁਲ ਬਣਾਏ ਗਏ, ਜਿਸ ‘ਤੇ 503.02 ਕਰੋੜ ਖਰਚ ਹੋਏ, ਜਦਕਿ ਮੌਜੂਦਾ ਸਾਲ ਵਿੱਚ 840 ਕਿਮੀ ਸੜਕਾਂ ਅਤੇ 31 ਪੁਲਾਂ ਲਈ 663 ਕਰੋੜ ਰੁਪਏ ਖਰਚ ਕਰਨ ਦੀ ਯੋਜਨਾ ਹੈ। ਸੀ.ਆਰ.ਆਈ.ਐਫ਼ ਸਕੀਮ ਅਧੀਨ 147.68 ਕਿਮੀ ਸੜਕਾਂ ਅਪਗ੍ਰੇਡ ਹੋ ਚੁੱਕੀਆਂ ਹਨ, ਜਦਕਿ 95 ਕਿਮੀ ਸੜਕਾਂ ਅਤੇ 3 ਪੁਲਾਂ ਦੀ ਉਸਾਰੀ ਪ੍ਰਗਤੀ ਅਧੀਨ ਹੈ।

Powered by Froala Editor