ਧੜੱਲੇਦਾਰ ਬਿਊਰੋ ਸਰਕਾਰ ਦਾ ਨਵਾਂ ਫ਼ੈਸਲਾ, ਬਿਨਾਂ ਆਗਿਆ ਵਿਦੇਸ਼ ਜਾਣ ਵਾਲੇ ਚੁਣੇ ਮੈਂਬਰਾਂ ‘ਤੇ ਰੋਕ ਚੰਡੀਗੜ੍ਹ, 13 ਨਵੰਬਰ 2025 : ਪੰਜਾਬ ਸਰਕਾਰ ਨੇ ਨਵਾਂ ਨਿਯਮ ਲਾਗੂ ਕੀਤਾ ਹੈ ਜਿਸਤਹਿਤ ਪੰਚ ਤੇ ਸਰਪੰਚ ਹੁਣ ਸਰਕਾਰੀ ਮਨਜ਼ੂਰੀ ਤੋਂ ਬਿਨਾਂ ਵਿਦੇਸ਼ ਨਹੀਂ ਜਾ ਸਕਣਗੇ। ਇਹ ਕਦਮ ਇਸ ਲਈ ਚੁੱਕਿਆ ਗਿਆ ਹੈ ਤਾਂ ਜੋ ਉਨ੍ਹਾਂ ਦੀ ਗੈਰਹਾਜ਼ਰੀ ਦੌਰਾਨ ਪੰਚਾਇਤਾਂ ਦਾ ਕੰਮ ਰੁਕ ਨਾ ਜਾਵੇ। ਨਵੀਂ ਪ੍ਰਕਿਰਿਆ ਸਰਕਾਰੀ ਕਰਮਚਾਰੀਆਂ ਦੀ ਐਕਸ-ਇੰਡੀਆ ਲੀਵ ਵਰਗੀ ਹੋਵੇਗੀ। ਹੁਣ ਉਹਨਾਂ ਨੂੰ ਯਾਤਰਾ ਲਈ ਅਰਜ਼ੀ ਦੇਣੀ ਪਵੇਗੀ। ਇਹ ਨਿਯਮ ਲਗਭਗ 13 ਹਜ਼ਾਰ ਸਰਪੰਚਾਂ ਅਤੇ 83 ਹਜ਼ਾਰ ਤੋਂ ਵੱਧ ਪੰਚਾਂ ‘ਤੇ ਲਾਗੂ ਹੋਵੇਗਾ। ਸਰਕਾਰ ਨੇ ਸਾਰੇ ਜ਼ਿਲ੍ਹਾ ਅਧਿਕਾਰੀਆਂ ਨੂੰ ਇਸ ਸਬੰਧੀ ਹੁਕਮ ਭੇਜੇ ਹਨ। ਸਰਪੰਚ ਦੀ ਗੈਰਹਾਜ਼ਰੀ ਵਿੱਚ ਇੱਕ ਪੰਚ ਅਸਥਾਈ ਤੌਰ ‘ਤੇ ਉਸਦੀ ਜ਼ਿੰਮੇਵਾਰੀ ਸੰਭਾਲੇਗਾ ਅਤੇ ਵਾਪਸੀ ‘ਤੇ ਸਰਪੰਚ ਨੂੰ ਮੁੜ ਕਾਰਜਭਾਰ ਮਿਲੇਗਾ।