November 25, 2025 10:27:46

Bhavika / Amritsar

ਧੜੱਲੇਦਾਰ ਬਿਊਰੋ ਦੁਰਗਿਆਣਾ ਮੰਦਰ ‘ਚ ਰਾਤੋਂ-ਰਾਤ ਗੁਪਤ ਮੌਕ ਡ੍ਰਿਲ, ਸੁਰੱਖਿਆ ਵਧਾਈ ਗਈ ਅੰਮ੍ਰਿਤਸਰ, 25 ਨਵੰਬਰ 2025 : ਅੰਮ੍ਰਿਤਸਰ ਵਿੱਚ ਸੋਮਵਾਰ ਰਾਤ ਸੁਰੱਖਿਆ ਏਜੰਸੀਆਂ ਨੇ ਸ਼੍ਰੀ ਦੁਰਗਿਆਣਾ ਮੰਦਰ ਕੰਪਲੈਕਸ ਵਿੱਚ ਇੱਕ ਗੁਪਤ ਮੌਕ ਡ੍ਰਿਲ ਕੀਤੀ, ਜਿਸ ਕਾਰਨ ਇਲਾਕੇ ਦੀ ਸੁਰੱਖਿਆ ਅਚਾਨਕ ਤੀਬਰ ਹੋ ਗਈ। NSG ਕਮਾਂਡੋਆਂ ਨੇ ਸਥਾਨਕ ਪੁਲਿਸ ਅਤੇ ਹੋਰ ਕੇਂਦਰੀ ਬਲਾਂ ਨਾਲ ਮਿਲ ਕੇ ਮੰਦਰ ਕੈਂਪਸ ਦੀ ਤਲਾਸ਼ੀ ਕਰਕੇ ਐਮਰਜੈਂਸੀ ਸਥਿਤੀਆਂ ਲਈ ਪ੍ਰਤੀਕਿਰਿਆ, ਤਾਲਮੇਲ ਅਤੇ ਉਪਕਰਣਾਂ ਦੀ ਤਿਆਰੀ ਦੀ ਜਾਂਚ ਕੀਤੀ। ਰਾਤੀਂ ਕੀਤੇ ਅਭਿਆਸ ਦੌਰਾਨ ਕੁਝ ਰਸਤੇ ਅਸਥਾਈ ਤੌਰ ‘ਤੇ ਬੰਦ ਰਹੇ ਅਤੇ ਕਈ ਟੀਮਾਂ ਵੱਖ ਵੱਲੋਂ ਕੰਪਲੈਕਸ ਵਿੱਚ ਦਾਖਲ ਹੋਈਆਂ। ਹਾਲੀਆ ਖੁਫੀਆ ਚੇਤਾਵਨੀਆਂ ਦੇ ਮੱਦੇਨਜ਼ਰ ਧਾਰਮਿਕ ਸਥਾਨਾਂ ਦੀ ਸੁਰੱਖਿਆ ਮਜ਼ਬੂਤ ਕਰਨ ਲਈ ਇਹ ਡ੍ਰਿਲ ਜ਼ਰੂਰੀ ਮੰਨੀ ਜਾ ਰਹੀ ਹੈ।