ਧੜੱਲੇਦਾਰ ਬਿਊਰੋ ਮੁੱਖ ਮੰਤਰੀ ਮਾਨ ਦਾ ਐਲਾਨ: ਸੜਕ ਨਿਰਮਾਣ ਲਈ ₹16,209 ਕਰੋੜ, ਜਲਦੀ ਟੈਂਡਰ ਜਾਰੀ ਚੰਡੀਗੜ੍ਹ, 29 ਨਵੰਬਰ 2025 : ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਆਪਣੇ ਨਿਵਾਸ ਸਥਾਨ ‘ਤੇ ਪ੍ਰੈਸ ਕਾਨਫਰੰਸ ਦੌਰਾਨ ਦੱਸਿਆ ਕਿ ਰਾਜ ਵਿੱਚ ਸੜਕਾਂ ਦੇ ਵੱਡੇ ਵਿਕਾਸ ਦੀ ਸ਼ੁਰੂਆਤ ਹੋ ਰਹੀ ਹੈ। ਪਹਿਲਾਂ 19,373 ਕਿਲੋਮੀਟਰ ਲਈ ਮਨਜ਼ੂਰ ਬਜਟ ਹੁਣ ਵਧਾ ਕੇ 44,920 ਕਿਲੋਮੀਟਰ ਸੜਕਾਂ ਦੇ ਨਿਰਮਾਣ ਤੱਕ ਪਹੁੰਚਾਇਆ ਗਿਆ ਹੈ, ਜਿਸ ਲਈ ਜਲਦੀ ਟੈਂਡਰ ਜਾਰੀ ਹੋਣਗੇ। ਇਸ ਪ੍ਰੋਜੈਕਟ ‘ਚ ਪੰਜਾਬ ਮੰਡੀ ਬੋਰਡ 22,291 ਕਿਲੋਮੀਟਰ, ਜਦਕਿ ਸ਼ਹਿਰੀ ਇਲਾਕਿਆਂ ਵਿੱਚ ਨਗਰ ਨਿਗਮ ਅਤੇ ਕੌਂਸਲਾਂ 1,255 ਕਿਲੋਮੀਟਰ ਸੜਕਾਂ ਤਿਆਰ ਕਰਨਗੀਆਂ। ਮੁੱਖ ਮੰਤਰੀ ਨੇ ਕਿਹਾ ਕਿ ₹16,209 ਕਰੋੜ ਸਿਰਫ਼ ਗੁਣਵੱਤਾ ਵਾਲੇ ਨਿਰਮਾਣ ‘ਤੇ ਖਰਚੇ ਜਾਣਗੇ ਅਤੇ ਕਿਸੇ ਵੀ ਅਧਿਕਾਰੀ ਜਾਂ ਕਲਰਕ ਵੱਲੋਂ ਰਿਸ਼ਵਤ ਨਹੀਂ ਮੰਗੀ ਜਾਵੇਗੀ। ਨਿਰਮਾਣ ‘ਤੇ ਨਿਗਰਾਨੀ ਲਈ ਫਲਾਇੰਗ ਸਕੁਐਡ ਵੀ ਬਣਾਇਆ ਗਿਆ ਹੈ।

16 209