Reporter..Rajni ਗਿੱਦੜਾਂਵਾਲੀ ਗੁਰਦੁਆਰਾ ਸਾਹਿਬ ‘ਚ ਮਚੀ ਹਲਚਲ, ਨਿਸ਼ਾਨ ਸਾਹਿਬ ‘ਤੇ ਫਸਿਆ ਨੌਜਵਾਨ ਅਬੋਹਰ, 31 ਦਸੰਬਰ 2025 : ਅਬੋਹਰ ਨੇੜਲੇ ਪਿੰਡ ਗਿੱਦੜਾਂਵਾਲੀ ਵਿੱਚ ਸਥਿਤ ਗੁਰਦੁਆਰਾ ਸਾਹਿਬ ‘ਚ ਉਸ ਵੇਲੇ ਅਚਾਨਕ ਹਲਚਲ ਮਚ ਗਈ, ਜਦੋਂ ਨਿਸ਼ਾਨ ਸਾਹਿਬ ਦਾ ਚੋਲਾ ਬਦਲਦੇ ਸਮੇਂ ਇੱਕ ਨੌਜਵਾਨ ਉੱਚਾਈ ‘ਤੇ ਫਸ ਗਿਆ। ਤਾਰ ਟੁੱਟਣ ਕਾਰਨ ਉਹ ਲਗਭਗ 100 ਫੁੱਟ ਉੱਪਰ ਹੀ ਅਟਕ ਗਿਆ, ਜਿਸ ਨਾਲ ਸੰਗਤ ਅਤੇ ਪਿੰਡ ਵਾਸੀਆਂ ਵਿੱਚ ਘਬਰਾਹਟ ਫੈਲ ਗਈ। ਸੂਚਨਾ ਮਿਲਦਿਆਂ ਹੀ ਫਾਇਰ ਬ੍ਰਿਗੇਡ, ਐਂਬੂਲੈਂਸ ਅਤੇ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ। ਕਈ ਘੰਟਿਆਂ ਤੋਂ ਨੌਜਵਾਨ ਨੂੰ ਸੁਰੱਖਿਅਤ ਹੇਠਾਂ ਲਿਆਉਣ ਲਈ ਰੈਸਕਿਊ ਕਾਰਵਾਈ ਜਾਰੀ ਹੈ। ਗੁਰਦੁਆਰੇ ਦੇ ਬਾਹਰ ਭੀੜ ਇਕੱਠੀ ਹੋ ਗਈ ਹੈ ਅਤੇ ਹਰ ਕੋਈ ਨੌਜਵਾਨ ਦੀ ਖੈਰ-ਖੁਸ਼ੀ ਲਈ ਅਰਦਾਸ ਕਰ ਰਿਹਾ ਹੈ।