ਧੜੱਲੇਦਾਰ ਬਿਊਰੋ ਖਰੜ ਐਸ.ਡੀ.ਐਮ. ਦਫ਼ਤਰ ਨੂੰ ਬੰਬ ਨਾਲ ਉਡਾਉਣ ਦੀ ਈਮੇਲ ਧਮਕੀ, ਇਲਾਕਾ ਸੀਲ ਖਰੜ, 9 ਜਨਵਰੀ 2026 : ਮੋਹਾਲੀ ਦੇ ਖਰੜ ਵਿੱਚ ਸਥਿਤ ਐਸ.ਡੀ.ਐਮ. ਦਫ਼ਤਰ ਨੂੰ ਬੰਬ ਨਾਲ ਉਡਾਉਣ ਦੀ ਈਮੇਲ ਰਾਹੀਂ ਮਿਲੀ ਧਮਕੀ ਤੋਂ ਬਾਅਦ ਹੜਕੰਪ ਮਚ ਗਿਆ। ਤੁਰੰਤ ਕਾਰਵਾਈ ਕਰਦੇ ਹੋਏ ਪੁਲਿਸ ਨੇ ਦਫ਼ਤਰ ਖਾਲੀ ਕਰਵਾ ਲਿਆ ਅਤੇ ਬੰਬ ਨਿਰੋਧਕ ਦਲ ਤੇ ਡੌਗ ਸਕੁਐਡ ਮੌਕੇ ‘ਤੇ ਬੁਲਾਏ ਗਏ। ਪੂਰੇ ਕੰਪਲੈਕਸ ਨੂੰ ਸੀਲ ਕਰਕੇ ਗਹਿਰੀ ਤਲਾਸ਼ੀ ਚਲ ਰਹੀ ਹੈ, ਜਦਕਿ ਸਾਈਬਰ ਸੈੱਲ ਈਮੇਲ ਭੇਜਣ ਵਾਲੇ ਦੀ ਪਛਾਣ ਕਰਨ ਵਿੱਚ ਲੱਗਾ ਹੋਇਆ ਹੈ। ਅਧਿਕਾਰੀਆਂ ਮੁਤਾਬਕ ਸੁਰੱਖਿਆ ਪੂਰੀ ਹੈ ਅਤੇ ਜਾਂਚ ਤੋਂ ਬਾਅਦ ਹੀ ਧਮਕੀ ਦੀ ਹਕੀਕਤ ਸਾਹਮਣੇ ਆਵੇਗੀ।