ਧੜੱਲੇਦਾਰ ਬਿਊਰੋ ਪੰਜਾਬ ਦੀ ਮਹਿਤ ਸੰਧੂ ਨੇ ਡੈਫਲਿੰਪਿਕਸ ਵਿੱਚ ਸੋਨ ਤਗਮਾ ਜਿੱਤਿਆ, ਵਿਸ਼ਵ ਰਿਕਾਰਡ ਵੀ ਤੋੜਿਆ ਫਾਜ਼ਿਲਕਾ, 24 ਨਵੰਬਰ 2025 : ਫਾਜ਼ਿਲਕਾ ਦੇ ਢਿੱਪਾਂਵਾਲੀ ਪਿੰਡ ਦੀ ਮਹਿਤ ਸੰਧੂ ਨੇ ਟੋਕੀਓ ਸਮਰ ਡੈਫਲਿੰਪਿਕਸ ਵਿੱਚ 50 ਮੀਟਰ ਰਾਈਫਲ ਥ੍ਰੀ-ਪੋਜ਼ੀਸ਼ਨ ਵਿੱਚ ਸੋਨਾ ਜਿੱਤ ਕੇ ਇਤਿਹਾਸ ਰਚ ਦਿੱਤਾ। ਉਸਨੇ ਕੁਆਲੀਫਿਕੇਸ਼ਨ ਰਾਊਂਡ ਵਿੱਚ ਆਪਣਾ ਹੀ ਪੁਰਾਣਾ ਸਕੋਰ ਪਾਰ ਕਰਦੇ ਹੋਏ ਨਵਾਂ ਵਿਸ਼ਵ ਅਤੇ ਡੈਫਲਿੰਪਿਕਸ ਰਿਕਾਰਡ ਬਣਾਇਆ। ਫਾਈਨਲ ਵਿੱਚ 456 ਅੰਕ ਹਾਸਲ ਕਰਕੇ ਉਸਨੇ ਦੱਖਣੀ ਕੋਰੀਆ ਅਤੇ ਹੰਗਰੀ ਦੀਆਂ ਖਿਡਾਰਨੀਆਂ ਨੂੰ ਪਿੱਛੇ ਛੱਡ ਦਿੱਤਾ। ਪਰਿਵਾਰ ਨੇ ਇਸ ਸਫਲਤਾ ‘ਤੇ ਖੁਸ਼ੀ ਜਤਾਈ ਅਤੇ ਕਿਹਾ ਕਿ ਮਹਿਤ ਨੇ ਸਾਰੇ ਪੰਜਾਬ ਦਾ ਨਾਮ ਰੋਸ਼ਨ ਕੀਤਾ ਹੈ।