August 15, 2025 07:26:34
S M Singh / New Delhi
ਧੜੱਲੇਦਾਰ ਬਿਊਰੋ
ਸਾਲ ਦੇ ਅੰਤ ਤੱਕ Made-in-India semiconductor chips ਬਜ਼ਾਰ ਵਿੱਚ ਹੋਣਗੀਆਂ ਉਪਲਬਧ
ਨਵੀਂ ਦਿੱਲੀ, 15 ਅਗਸਤ 2025 :
ਆਜ਼ਾਦੀ ਦਿਵਸ ਮੌਕੇ ਲਾਲ ਕਿਲ੍ਹੇ ਤੋਂ ਦੇਸ਼ ਨੂੰ ਸੰਬੋਧਨ ਕਰਦਿਆਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਤਕਨੀਕੀ ਖੇਤਰ ਵਿੱਚ ਭਾਰਤ ਦੀ ਆਤਮਨਿਰਭਰਤਾ ਵਧਾਉਣ ਵੱਲ ਦੋ ਵੱਡੇ ਕਦਮਾਂ ਦੀ ਘੋਸ਼ਣਾ ਕੀਤੀ। ਉਨ੍ਹਾਂ ਦੱਸਿਆ ਕਿ ਸਾਲ ਦੇ ਅਖੀਰ ਤੱਕ 'ਮੇਡ-ਇਨ-ਇੰਡੀਆ' ਸੈਮੀਕੰਡਕਟਰ ਚਿਪਸ ਬਾਜ਼ਾਰ ਵਿੱਚ ਆ ਜਾਣਗੀਆਂ ਅਤੇ ਕ੍ਰਿਟੀਕਲ ਮਿਨਰਲਸ ਦੇ ਮਾਮਲੇ ਵਿੱਚ ਵੀ ਭਾਰਤ ਖੁਦਨਿਰਭਰ ਬਣੇਗਾ। ਮੋਦੀ ਨੇ ਪਿਛਲੀ ਸਰਕਾਰਾਂ ਨੂੰ ਨਿਸ਼ਾਨਾ ਬਣਾਉਂਦੇ ਹੋਏ ਕਿਹਾ ਕਿ ਕਈ ਸਾਲ ਫਾਈਲਾਂ ਹੀ ਘੁੰਮਦੀਆਂ ਰਹੀਆਂ, ਪਰ ਹੁਣ ਸਰਕਾਰ ਮਿਸ਼ਨ ਮੋਡ ਵਿੱਚ ਕੰਮ ਕਰ ਰਹੀ ਹੈ। ਓਡੀਸ਼ਾ, ਆਂਧਰਾ ਅਤੇ ਪੰਜਾਬ 'ਚ ਸੈਮੀਕੰਡਕਟਰ ਯੂਨਿਟਾਂ ਬਣ ਰਹੀਆਂ ਹਨ। ਨਾਲ ਹੀ, ਨੈਸ਼ਨਲ ਕ੍ਰਿਟੀਕਲ ਮਿਨਰਲਸ ਮਿਸ਼ਨ ਤਹਿਤ ਦੇਸ਼ ਭਰ ਵਿੱਚ ਖਣਿਜ ਖੋਜ ਜਾਰੀ ਹੈ, ਜਿਸ ਲਈ ਸਰਕਾਰ ਵੱਲੋਂ ਵੱਡਾ ਬਜਟ ਰੱਖਿਆ ਗਿਆ ਹੈ। ਇਹ ਸਾਰਾ ਉਪਰਾਲਾ ਭਾਰਤ ਨੂੰ ਸਿਰਫ਼ ਉਪਭੋਗਤਾ ਹੀ ਨਹੀਂ, ਸਗੋਂ ਤਕਨੀਕੀ ਤਾਕਤ ਬਣਾਉਣ ਵੱਲ ਵਧਦਾ ਹੋਇਆ ਕਦਮ ਹੈ।
Made in india Semiconductor Chips
