September 22, 2025 12:35:05

Bhavika / Chandigarh

ਧੜੱਲੇਦਾਰ ਬਿਊਰੋ

ਅੱਜ ਤੋਂ ਲਾਗੂ ਹੋਈਆਂ ਨਵੀਂ GST ਦਰਾਂ

ਚੰਡੀਗੜ੍ਹ, 22 ਸਤੰਬਰ 2025 :

ਕੇਂਦਰ ਸਰਕਾਰ ਵੱਲੋਂ ਘਟਾਈਆਂ ਗਈਆਂ ਨਵੀਆਂ GST ਦਰਾਂ ਅੱਜ ਤੋਂ ਦੇਸ਼ ਭਰ ਵਿੱਚ ਲਾਗੂ ਹੋ ਗਈਆਂ ਹਨ, ਜਿਸ ਨਾਲ ਰੋਜ਼ਾਨਾ ਦੀਆਂ ਕਈ ਚੀਜ਼ਾਂ ਹੁਣ ਪਹਿਲਾਂ ਨਾਲੋਂ ਸਸਤੀਆਂ ਮਿਲਣਗੀਆਂ। ਨਵੀਂ ਟੈਕਸ ਪ੍ਰਣਾਲੀ ਅਨੁਸਾਰ ਹੁਣ ਕੇਵਲ 5% ਅਤੇ 18% ਦੇ ਦੋ ਹੀ ਸਲੈਬ ਰਹਿ ਗਏ ਹਨ। ਇਸ ਕਟੌਤੀ ਦਾ ਅਸਰ ਦੁੱਧ ਉਤਪਾਦਾਂ, ਕਰਿਆਨੇ ਦੇ ਸਮਾਨ, ਕੱਪੜਿਆਂ, ਜੁੱਤੀਆਂ ਅਤੇ ਹੋਰ ਜ਼ਰੂਰੀ ਵਸਤੂਆਂ ਦੀਆਂ ਕੀਮਤਾਂ ‘ਤੇ ਸਿੱਧਾ ਪਵੇਗਾ।

ਇਸ ਘਟਾਓ ਨਾਲ ਇਲੈਕਟ੍ਰਾਨਿਕ ਉਪਕਰਣ ਅਤੇ ਵਾਹਨ ਖਰੀਦਣਾ ਵੀ ਸਸਤਾ ਹੋਇਆ ਹੈ। ਏਅਰ ਕੰਡੀਸ਼ਨਰ, ਡਿਸ਼ਵਾਸ਼ਰ, ਟੈਲੀਵਿਜ਼ਨ, ਕੰਪਿਊਟਰ ਮਾਨੀਟਰ, ਰੈਫ੍ਰਿਜਰੇਟਰ ਅਤੇ ਸਮਾਰਟਫ਼ੋਨ ਦੀਆਂ ਕੀਮਤਾਂ ਵਿੱਚ ਵੱਡੀ ਕਮੀ ਆਈ ਹੈ। ਆਟੋਮੋਬਾਈਲ ਸੈਕਟਰ ਵਿੱਚ ਵੀ ਮਾਰੂਤੀ ਸੁਜ਼ੂਕੀ ਸਮੇਤ ਕਈ ਕੰਪਨੀਆਂ ਨੇ ਆਪਣੇ ਮਾਡਲਾਂ ‘ਤੇ ਲੱਖਾਂ ਰੁਪਏ ਤੱਕ ਦੀ ਛੂਟ ਦੀ ਘੋਸ਼ਣਾ ਕੀਤੀ ਹੈ।

Gst