ਧੜੱਲੇਦਾਰ ਬਿਊਰੋ ਭਾਰਤ–ਅਮਰੀਕਾ LPG ਕਰਾਰ ਨਾਲ ਊਰਜਾ ਸੁਰੱਖਿਆ ਹੋਈ ਮਜ਼ਬੂਤ ਨਵੀਂ ਦਿੱਲੀ, 17 ਨਵੰਬਰ 2025 : ਭਾਰਤ ਅਤੇ ਅਮਰੀਕਾ ਨੇ ਟੈਰਿਫ ਤਣਾਅ ਦੇ ਮੌਹਾਲ ਵਿੱਚ ਆਪਣਾ ਪਹਿਲਾ LPG ਸਪਲਾਈ ਸਮਝੌਤਾ ਪੂਰਾ ਕਰ ਲਿਆ। ਇਸ ਅਧੀਨ ਭਾਰਤ 2026 ਤੱਕ ਅਮਰੀਕਾ ਤੋਂ 2.2 ਮਿਲੀਅਨ ਟਨ LPG ਖਰੀਦੇਗਾ, ਜੋ ਦੇਸ਼ ਦੀ ਸਾਲਾਨਾ ਖਪਤ ਦਾ ਲਗਭਗ ਦਸ ਫੀਸਦੀ ਹੈ। ਇਹ ਕਰਾਰ IOC, BPCL ਅਤੇ HPCL ਦੁਆਰਾ ਸ਼ੈਵਰੋਨ, ਫਿਲਿਪਸ 66 ਅਤੇ ਟੋਟਲ ਐਨਰਜੀਜ਼ ਨਾਲ ਹਸਤਾਖਰ ਕੀਤਾ ਗਿਆ। ਇਸ ਨਾਲ ਘਰੇਲੂ ਗੈਸ ਦੀ ਕੀਮਤ ਘਟ ਸਕਦੀ ਹੈ ਅਤੇ ਸਪਲਾਈ ਚੇਨ ਹੋਰ ਸਥਿਰ ਰਹੇਗੀ। ਸਰਕਾਰ ਦਾ ਮੰਨਣਾ ਹੈ ਕਿ ਇਹ ਸੌਦਾ ਭਾਰਤ ਦੀ ਊਰਜਾ ਸੁਰੱਖਿਆ ਨੂੰ ਮਜ਼ਬੂਤ ਕਰੇਗਾ ਅਤੇ ਰਵਾਇਤੀ ਸਰੋਤਾਂ ’ਤੇ ਨਿਰਭਰਤਾ ਘਟੇਗੀ। ਪੇਂਡੂ ਖੇਤਰ ਅਤੇ ਘੱਟ ਆਮਦਨ ਵਾਲੇ ਪਰਿਵਾਰਾਂ ਨੂੰ ਵੀ ਕਿਫਾਇਤੀ LPG ਦੀ ਬਿਹਤਰ ਪਹੁੰਚ ਮਿਲ ਸਕਦੀ ਹੈ। ਪੈਟਰੋਲੀਅਮ ਮੰਤਰੀ ਹਰਦੀਪ ਸਿੰਘ ਪੁਰੀ ਨੇ ਇਸਨੂੰ ਮਹੱਤਵਪੂਰਨ ਕਦਮ ਦੱਸਿਆ, ਜਦਕਿ ਵਣਜ ਮੰਤਰੀ ਪਿਊਸ਼ ਗੋਇਲ ਨੇ ਕਿਹਾ ਕਿ ਦੋਵਾਂ ਦੇਸ਼ਾਂ ਵਿਚਕਾਰ ਊਰਜਾ ਵਪਾਰ ਆਉਣ ਵਾਲੇ ਸਾਲਾਂ ਵਿੱਚ ਹੋਰ ਵਧੇਗਾ।

Lpg