Reporter..S M Singh 500 ਤੋਂ ਵੱਧ ਉਡਾਣਾਂ ਪ੍ਰਭਾਵਿਤ, ਦਬਾਅ ਵਿੱਚ ਆ ਕੇ DGCA ਨੇ ਬਦਲਿਆ ਨਿਯਮ ਨਵੀਂ ਦਿੱਲੀ, 5 ਦਸੰਬਰ 2025 : ਪੂਰੇ ਦੇਸ਼ ਵਿੱਚ ਇੰਡੀਗੋ ਦੀਆਂ ਉਡਾਣਾਂ ਰੱਦ ਹੋਣ ਅਤੇ ਭਾਰੀ ਦੇਰੀ ਨਾਲ ਯਾਤਰੀਆਂ ਦੀ ਮੁਸ਼ਕਿਲ ਵਧੀ ਤਾਂ DGCA ਨੇ ਤੁਰੰਤ ਰਾਹਤ ਦੇਣ ਵਾਲਾ ਫ਼ੈਸਲਾ ਕੀਤਾ। ਕਰੂ ਰੋਸਟਰਿੰਗ ਬਾਰੇ ਆਪਣਾ ਉਹ ਨਵਾਂ ਨਿਯਮ ਵਾਪਸ ਲੈ ਲਿਆ, ਜਿਸ ਕਾਰਨ ਏਅਰਲਾਈਨਾਂ ਪਾਇਲਟਾਂ ਦੇ ਹਫ਼ਤਾਵਾਰੀ ਆਰਾਮ ਨੂੰ ਕਿਸੇ ਹੋਰ ਛੁੱਟੀ ਨਾਲ ਨਹੀਂ ਬਦਲ ਸਕਦੀਆਂ ਸਨ। ਇਸ ਪਾਬੰਦੀ ਨੇ ਏਅਰਲਾਈਨਜ਼ ਦੇ ਰੋਸਟਰ ਬਣਾਉਣ ਨੂੰ ਕਾਫ਼ੀ ਪੇਚੀਦਾ ਕਰ ਦਿੱਤਾ ਸੀ ਅਤੇ ਸਟਾਫ਼ ਦੀ ਕਮੀ ਕਾਰਨ ਸੈਂਕੜਿਆਂ ਉਡਾਣਾਂ ਪ੍ਰਭਾਵਿਤ ਹੋ ਰਹੀਆਂ ਸਨ। ਹੁਣ ਇਸ ਨਰਮੀ ਨਾਲ ਏਅਰਲਾਈਨਾਂ ਨੂੰ ਮੁੜ ਲਚਕਤਾ ਮਿਲ ਗਈ ਹੈ। ਸਮੀਖਿਆ ਦੌਰਾਨ ਇਹ ਵੀ ਸਾਹਮਣੇ ਆਇਆ ਕਿ ਉਕਤ ਨਿਯਮ ਕਾਰਨ ਇੰਡੀਗੋ ਸਭ ਤੋਂ ਵੱਧ ਦਬਾਅ ਵਿੱਚ ਸੀ, ਕਿਉਂਕਿ 500 ਤੋਂ ਵੱਧ ਉਡਾਣਾਂ ਪ੍ਰਭਾਵਿਤ ਹੋਈਆਂ ਸਨ। ਕੰਪਨੀ ਨੇ ਮੌਸਮ, ਤਕਨੀਕੀ ਸਮੱਸਿਆਵਾਂ ਅਤੇ ਨਵੇਂ FDTL ਨਿਯਮਾਂ ਨੂੰ ਇਸ ਬੇਹਾਲੀ ਦੀ ਵਜ੍ਹਾ ਦੱਸਿਆ ਸੀ। ਦੂਜੇ ਪਾਸੇ, ਫੈਡਰੇਸ਼ਨ ਆਫ ਇੰਡੀਅਨ ਪਾਇਲਟਸ ਦਾ ਕਹਿਣਾ ਹੈ ਕਿ ਹੋਰ ਏਅਰਲਾਈਨਾਂ ‘ਤੇ ਇਹ ਅਸਰ ਨਹੀਂ ਪਇਆ, ਮਸਲਾ ਇੰਡੀਗੋ ਦੀ ਆਪਣੀ ਅੰਦਰੂਨੀ ਯੋਜਨਾ ਬਣਾਉਣ ਦੀ ਕਮੀ ਹੈ।

500 Dgca