July 25, 2025 06:35:18

S M Singh / Patiala

Reporter..S M Singh

ਅਧਰੰਗ (ਬਰੇਨ ਸਟਰੋਕ) ਦੇ ਤੁਰੰਤ ਇਲਾਜ ਲਈ ਹੱਬ ਬਣੇਗਾ ਰਜਿੰਦਰਾ ਹਸਪਤਾਲ: ਡਾ. ਬਲਬੀਰ ਸਿੰਘ

ਪਟਿਆਲਾ, 25 ਜੁਲਾਈ 2025 :

ਪਟਿਆਲਾ ਦੇ ਸਰਕਾਰੀ ਰਜਿੰਦਰਾ ਹਸਪਤਾਲ ਨੂੰ ਬਰੇਨ ਸਟਰੋਕ (ਅਧਰੰਗ) ਇਲਾਜ ਲਈ ਹੱਬ ਬਣਾਇਆ ਜਾਵੇਗਾ, ਜਿਥੇ ਆਲੇ ਦੁਆਲੇ ਦੇ ਚਾਰ ਜ਼ਿਲ੍ਹੇ ਸਪੋਕ ਹੋਣਗੇ। ਇਹ ਘੋਸ਼ਣਾ ਸਿਹਤ ਮੰਤਰੀ ਡਾ. ਬਲਬੀਰ ਸਿੰਘ ਨੇ ਸ੍ਰੀ ਗੁਰੂ ਨਾਨਕ ਦੇਵ ਜੀ ਸੁਪਰ ਸਪੈਸ਼ਲਿਟੀ ਬਲਾਕ ਵਿਖੇ ਕੀਤੀ। ਮੰਤਰੀ ਨੇ ਦੱਸਿਆ ਕਿ ਪਟਿਆਲਾ ਪਹਿਲਾਂ ਹੀ ਦਿਲ ਦੇ ਦੌਰੇ ਇਲਾਜ ਲਈ ਹੱਬ ਹੈ, ਜਿਥੇ 700 ਵਿਅਕਤੀਆਂ ਨੂੰ ਟਰੇਨਿੰਗ ਦੇ ਕੇ 583 ਮਰੀਜ਼ਾਂ ਦੀ ਜਾਨ ਬਚਾਈ ਗਈ। ਹੁਣ ਅਧਰੰਗ ਇਲਾਜ ਲਈ ਵੀ ਇਹ ਵਿਧੀ ਅਪਣਾਈ ਜਾਵੇਗੀ।

ਫੋਰਟਿਸ ਜਾਂ ਮੈਕਸ ਵਰਗੇ ਹਸਪਤਾਲਾਂ ਵਰਗਾ ਇਲਾਜ ਹੁਣ ਪਟਿਆਲਾ 'ਚ ਵੀ ਮੁਫ਼ਤ ਮਿਲੇਗਾ। ਸੂਬਾ ਸਰਕਾਰ ਯੂਨੀਵਰਸਲ ਸਿਹਤ ਬੀਮਾ ਲੈ ਕੇ ਆ ਰਹੀ ਹੈ, ਅਤੇ ਪ੍ਰਾਇਮਰੀ, ਸੈਕੰਡਰੀ ਤੇ ਟਰਸ਼ਰੀ ਕੇਅਰ ਨੂੰ ਮਜ਼ਬੂਤ ਕੀਤਾ ਜਾ ਰਿਹਾ ਹੈ। ਬੋਨ ਮੈਰੋ ਟਰਾਂਸਪਲਾਂਟ ਅਤੇ ਗੂੰਗੇ-ਬਹਿਰੇ ਬੱਚਿਆਂ ਲਈ ਕੋਕਲੀਅਰ ਇੰਪਲਾਂਟ ਰਾਹੀਂ ਇਲਾਜ ਦੀ ਯੋਜਨਾ ਵੀ ਬਣਾਈ ਗਈ ਹੈ।