ਆਸਟਰੇਲੀਆ ਦੇ ਪ੍ਰਧਾਨ ਮੰਤਰੀ ਐਂਥਨੀ ਅਲਬਾਨੀਜ਼ ਨੇ ਨਿਊਯਾਰਕ ਵਿੱਚ ਸੰਯੁਕਤ ਰਾਸ਼ਟਰ ਸੁਰੱਖਿਆ ਕੌਂਸਲ ਦੀ 2029-30 ਦੀ ਗੈਰ-ਸਥਾਈ ਮੈਂਬਰਸ਼ਿਪ ਲਈ ਦੇਸ਼ ਦੀ ਰਸਮੀ ਮੁਹਿੰਮ ਸ਼ੁਰੂ ਕਰ ਦਿੱਤੀ ਹੈ। ਆਸਟਰੇਲੀਆ ਦਾ ਟੀਚਾ ਸੁਰੱਖਿਆ ਕੌਂਸਲ ਵਿੱਚ ਰਹਿੰਦਿਆਂ ਜੰਗਾਂ, ਅੰਤਰਰਾਸ਼ਟਰੀ ਸੁਰੱਖਿਆ, ਜਲਵਾਯੂ ਸੁਰੱਖਿਆ ਅਤੇ ਆਰਟੀਫ਼ੀਸ਼ੀਅਲ ਇੰਟੈਲੀਜੈਂਸ ਵਰਗੇ ਮੁੱਦਿਆਂ ’ਤੇ ਆਪਣੀ ਭੂਮਿਕਾ ਵਧਾਉਣਾ ਹੈ। ਅਲਬਾਨੀਜ਼ ਨੇ ਖ਼ਾਸ ਤੌਰ ’ਤੇ ਅਮਰੀਕਾ ਅਤੇ ਚੀਨ ਵਿਚਾਲੇ AI ਸਬੰਧੀ ਸਾਂਝੇ ਕੌਮਾਂਤਰੀ ਨਿਯਮਾਂ ਦੀ ਲੋੜ ’ਤੇ ਜ਼ੋਰ ਦਿੱਤਾ। ਉਨ੍ਹਾਂ ਮੁਤਾਬਕ AI ਦੇ ਤੇਜ਼ ਵਿਕਾਸ ਦੇ ਦੌਰ ਵਿੱਚ ਮਨੁੱਖੀ ਨਿਗਰਾਨੀ ਅਤੇ ਸੁਰੱਖਿਆ ਯਕੀਨੀ ਬਣਾਉਣਾ ਮਹੱਤਵਪੂਰਨ ਹੈ 2029-30 ਦੀਆਂ ਦੋ ਗੈਰ-ਸਥਾਈ ਸੀਟਾਂ ਲਈ ਇਸ ਸਮੇਂ ਆਸਟਰੇਲੀਆ ਅਤੇ ਫ਼ਿਨਲੈਂਡ ਉਮੀਦਵਾਰ ਹਨ। ਚੋਣ ਜੂਨ 2028 ਵਿੱਚ ਗੁਪਤ ਵੋਟਿੰਗ ਰਾਹੀਂ ਹੋਵੇਗੀ ਅਤੇ ਜਿੱਤ ਲਈ ਸੰਯੁਕਤ ਰਾਸ਼ਟਰ ਮਹਾਸਭਾ ਦੇ ਮੈਂਬਰ ਦੇਸ਼ਾਂ ਦੇ ਦੋ-ਤਿਹਾਈ ਸਮਰਥਨ ਦੀ ਲੋੜ ਹੋਵੇਗੀ

Australia Anthony Albanese United Nations Un Security Council Unsc Finland Ai Artificial Intelligence Climate Change Global Security International Relations New York Un General Assembly