December 1, 2025 10:45:13

Bhavika / New Delhi

ਧੜੱਲੇਦਾਰ ਬਿਊਰੋ ਲੋਕ ਸਭਾ ਵਿੱਚ ਤੰਬਾਕੂ ਉਤਪਾਦਾਂ ‘ਤੇ ਨਵੇਂ ਸੈੱਸ ਲਈ ਦੋ ਬਿੱਲ ਪੇਸ਼ ਨਵੀਂ ਦਿੱਲੀ, 1 ਦਸੰਬਰ 2025 : ਸਰਦ ਰੁੱਤ ਸੈਸ਼ਨ ਦੀ ਸ਼ੁਰੂਆਤ ‘ਤੇ ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ ਲੋਕ ਸਭਾ ਵਿੱਚ ਤੰਬਾਕੂ ਉਤਪਾਦਾਂ ਅਤੇ ਉਨ੍ਹਾਂ ਦੇ ਨਿਰਮਾਣ ‘ਤੇ ਨਵਾਂ ਸੈੱਸ ਲਗਾਉਣ ਲਈ ਦੋ ਬਿੱਲ ਪੇਸ਼ ਕੀਤੇ। ਇਹ ਬਿੱਲ ਸਿਹਤ ਸੁਰੱਖਿਆ ਅਤੇ ਰਾਸ਼ਟਰੀ ਸੁਰੱਖਿਆ ਲਈ ਵਾਧੂ ਫੰਡ ਇਕੱਠਾ ਕਰਨ ਨੂੰ ਧਿਆਨ ਵਿੱਚ ਰੱਖਦੇ ਹਨ। ਵਿਰੋਧੀ ਧਿਰ ਨੇ ਇਨ੍ਹਾਂ ਕਾਨੂੰਨਾਂ ਦਾ ਤੁਰੰਤ ਵਿਰੋਧ ਕੀਤਾ ਅਤੇ ਕਿਹਾ ਕਿ ਬਿੱਲਾਂ ਵਿੱਚ ਤੰਬਾਕੂ ਦੇ ਨੁਕਸਾਨਾਂ ਬਾਰੇ ਕੁਝ ਨਹੀਂ, ਸਿਰਫ਼ ਟੈਕਸ ਵਧਾਉਣ ਦੀ ਕੋਸ਼ਿਸ਼ ਹੈ। ਕੁਝ ਸਾਂਸਦਾਂ ਨੇ ਇਹ ਵੀ ਦੱਸਿਆ ਕਿ ਇਸ ਨਾਲ ਆਮ ਲੋਕਾਂ ‘ਤੇ ਵੱਧ ਵਿੱਤੀ ਬੋਝ ਪਵੇਗਾ। ਇਸ ਸੈਸ਼ਨ ਦੌਰਾਨ ਕੁੱਲ 13 ਬਿੱਲਾਂ ‘ਤੇ ਵਿਚਾਰ ਹੋਣਾ ਹੈ ਅਤੇ ਕਾਰਵਾਈ 19 ਦਸੰਬਰ ਤੱਕ ਜਾਰੀ ਰਹੇਗੀ।