ਨਵੀਂ ਦਿੱਲੀ 11 ਫਰਵਰੀ, 2026 (ਨਰੂਲਾ) ਉੱਤਰੀ ਰੇਲਵੇ ਦੇ ਜੰਮੂ ਡਿਵੀਜ਼ਨ ਨੇ ਅੱਜ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹਾਸਲ ਕੀਤਾ ਹੈ। ਬਡਗਾਮ-ਬਨੀਹਾਲ ਰੂਟ ‘ਤੇ ਚੱਲ ਰਹੀ ਵਿਸ਼ੇਸ਼ ਰੇਲਗੱਡੀ (ਟ੍ਰੇਨ ਨੰਬਰ 04688/04687) ਨੂੰ ਸ਼੍ਰੀ ਮਾਤਾ ਵੈਸ਼ਣੋ ਦੇਵੀ ਕਟਰਾ ਤੱਕ ਵਧਾਇਆ ਗਿਆ ਹੈ। ਯਾਤਰੀਆਂ ਦੇ ਤਜਰਬੇ ਨੂੰ ਹੋਰ ਸੁਧਾਰਨ ਲਈ ਇਸ ਰੇਲਗੱਡੀ ਵਿੱਚ ਵਿਸਟਾਡੋਮ ਕੋਚ ਸ਼ਾਮਲ ਕੀਤਾ ਗਿਆ, ਜਿਸ ਨੇ ਆਪਣੇ ਪਹਿਲੇ ਵਿਸਤਾਰਿਤ ਸਫ਼ਰ ਦੌਰਾਨ ਯਾਤਰੀਆਂ ਨੂੰ ਮੋਹ ਲਿਆ। ਪਹਿਲੇ ਦਿਨ ਇਸ ਵਿਸ਼ੇਸ਼ ਰੇਲਗੱਡੀ ਦੀ ਚਾਲ ਸਫਲ ਰਹੀ ਅਤੇ 600 ਤੋਂ ਵੱਧ ਯਾਤਰੀਆਂ ਨੇ ਇਸ ਯਾਤਰਾ ਦਾ ਆਨੰਦ ਮਾਣਿਆ। ਸਥਾਨਕ ਲੋਕਾਂ ਅਤੇ ਸੈਲਾਨੀਆਂ ਨੇ ਯਾਤਰੀਆਂ ਦੇ ਹਿਤ ਵਿੱਚ ਚੁੱਕੇ ਇਸ ਇਤਿਹਾਸਕ ਕਦਮ ਲਈ ਰੇਲਵੇ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਬਨੀਹਾਲ ਤੋਂ ਕਟਰਾ ਤੱਕ ਦੀ ਵਿਸ਼ੇਸ਼ ਰੇਲਗੱਡੀ ਨੇ ਉਨ੍ਹਾਂ ਨੂੰ ਬਿਹਤਰ ਕਨੈਕਟਿਵਿਟੀ ਦਾ ਵਿਲੱਖਣ ਲਾਭ ਦਿੱਤਾ ਹੈ। ਯਾਤਰਾ ਦੌਰਾਨ ਯਾਤਰੀਆਂ ਨੇ ਵਿਸਟਾਡੋਮ ਕੋਚ ਦੀ ਕੱਚ ਦੀ ਛੱਤ ਅਤੇ ਵੱਡੀਆਂ ਪਾਰਦਰਸ਼ੀ ਖਿੜਕੀਆਂ ਰਾਹੀਂ ਪਹਾੜਾਂ, ਦਰਿਆਵਾਂ ਅਤੇ ਸੁਰੀੰਗਾਂ ਦੇ ਦਿਲਕਸ਼ ਦ੍ਰਿਸ਼ਾਂ ਦਾ ਆਨੰਦ ਮਾਣਿਆ। ਨਾਲ ਹੀ ਉਨ੍ਹਾਂ ਨੇ ਚਿਨਾਬ ਦਰਿਆ ਉੱਤੇ ਦੁਨੀਆ ਦੇ ਸਭ ਤੋਂ ਉੱਚੇ ਪੁਲ ਅਤੇ ਪਹਿਲੇ ਕੇਬਲ-ਸਟੇਡ ਅੰਜੀ ਪੁਲ ਵਰਗੀਆਂ ਇੰਜੀਨੀਅਰਿੰਗ ਦੇ ਅਦਭੁੱਤ ਨਮੂਨਿਆਂ ਨੂੰ ਵੀ ਦੇਖਿਆ। ਰੇਲਗੱਡੀ ਦੇ ਸਫਲ ਸੰਚਾਲਨ ਬਾਰੇ ਟਿੱਪਣੀ ਕਰਦਿਆਂ ਸੀਨੀਅਰ ਡਿਵੀਜ਼ਨਲ ਕਮਰਸ਼ੀਅਲ ਮੈਨੇਜਰ ਸ੍ਰੀ ਉਚਿਤ ਸਿੰਘਲ ਨੇ ਕਿਹਾ ਕਿ ਵਿਸਟਾਡੋਮ ਕੋਚ ਰਾਹੀਂ ਇਹ ਪਹਿਲ ਯਾਤਰੀਆਂ ਨੂੰ ਕੁਦਰਤੀ ਦ੍ਰਿਸ਼ਾਂ ਨਾਲ ਸੁਵਿਧਾਜਨਕ ਯਾਤਰਾ ਪ੍ਰਦਾਨ ਕਰਦੀ ਹੈ ਅਤੇ ਕਸ਼ਮੀਰ ਵਿੱਚ ਟੂਰਿਜ਼ਮ ਨੂੰ ਪ੍ਰੋਤਸਾਹਿਤ ਕਰਦੀ ਹੈ। ਪਹਿਲੇ ਦਿਨ ਦੀ ਚਾਲ ‘ਤੇ ਯਾਤਰੀਆਂ ਨੇ ਵਿਸ਼ੇਸ਼ ਰੇਲਗੱਡੀ ਦੀ ਭਰਪੂਰ ਸਰਾਹਨਾ ਕੀਤੀ, ਜਿਸ ਨਾਲ ਉਨ੍ਹਾਂ ਦੀ ਯਾਤਰਾ ਹੋਰ ਵੀ ਰੋਮਾਂਚਕ ਬਣ ਗਈ।

Northern Railway