ਗੁਰਦਾਸਪੁਰ:

ਅੱਜ ਜ਼ਿਲ੍ਹਾ ਪ੍ਰਸ਼ਾਸਨ ਅਤੇ ਖਾਸ ਕਰ ਮੰਡੀ ਬੋਰਡ ਅਤੇ ਫੂਡ ਸਪਲਾਈ ਵਿਭਾਗ ਦੀ ਉਸ ਵੇਲੇ ਵੱਡੀ ਨਾਕਾਮੀ ਸਾਹਮਣੇ ਆਈ ਜਦ ਬਰਸਾਤ ਦੇ ਵਿੱਚ ਭਿੱਜੀਆਂ ਬੋਰੀਆਂ ਨੂੰ ਪੰਜਾਬ ਸਰਕਾਰ ਅਤੇ ਕੇਂਦਰ ਸਰਕਾਰ ਵਲੋਂ ਚਲਾਈ ਗਈ ਲਾਭਪਾਤਰੀਆਂ ਲਈ ਆਟਾ ਦਾਲ ਸਕੀਮ ਤਹਿਤ ਗਿਲੀਆਂ ਬੋਰੀਆਂ ਨੂੰ ਹੀ ਟਰੱਕ ਵਿੱਚ ਲੱਦ ਕੇ ਲੋਕਾਂ ਦੇ ਵਿੱਚ ਭੇਜਣ ਦੀ ਤਿਆਰੀ ਕੀਤੀ ਜਾ ਰਹੀ ਸੀ । ਪਰ ਉਸ ਤੋਂ ਪਹਿਲਾਂ ਹੀ ਮੀਡੀਆ ਦੇ ਕਰਮਚਾਰੀਆਂ ਨੇ ਮੌਕੇ ਤੇ ਪਹੁੰਚ ਕੇ ਇਹ ਤਸਵੀਰਾਂ ਕੈਦ ਕਰ ਲਈਆਂ। 

ਤੁਹਾਨੂੰ ਦੱਸ ਦਈਏ ਕਿ ਲਗਾਤਾਰ ਡੀਪੂ ਹੋਲਡਰ ਵੀ ਕਹਿੰਦੇ ਹਨ ਕਿ ਉਹਨਾਂ ਨੂੰ ਵੇਟ ਹਮੇਸ਼ਾ ਘੱਟ ਤੋਲ ਕੇ ਦਿੱਤਾ ਜਾਂਦਾ ਹੈ ਪਰ ਅੱਜ ਇਹ ਗਲ ਸਾਹਮਣੇ ਆਈ ਹੈ ਕਿ ਜਿੱਥੇ ਬਾਰਿਸ਼ ਨਾਲ ਬੋਰੀਆਂ ਗਿੱਲੀਆਂ ਹੋਈਆਂ ਹਨ ਜਿਨਾਂ ਵਿੱਚ ਮਿੱਟੀ ਦੇ ਢੇਲੇ ਵੀ ਬਣੇ ਹੋਏ ਸਨ ਨੂੰ ਬੋਰੀਆਂ ਵਿੱਚ ਲੱਦ ਕੇ ਲਾਭਪਾਤਰੀਆਂ ਤੱਕ ਪਹੁਚਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ। ਮੀਡੀਆ ਕਰਮਚਾਰੀਆਂ ਨੇ ਮੌਕੇ ਤੇ ਜਾ ਕੇ ਤਸਵੀਰਾਂ ਨੂੰ ਕੈਦ ਕਰ ਲਿਆ। ਤੁਸੀਂ ਖੁਦ ਤਸਵੀਰਾਂ ਵਿੱਚ ਦੇਖ ਰਹੇ ਹੋ ਕਿ ਭਾਰੀ ਬਰਸਾਤ ਵਿਚ ਖੁੱਲੇ ਅਸਮਾਨ ਥੱਲੇ ਕਣਕ ਦੀਆਂ ਬੋਰੀਆਂ ਪਈਆ ਹੋਈਆਂ ਹਨ ਜਿਨਾਂ ਨੂੰ ਢੱਕਣ ਦੀ ਬਜਾਏ ਗਿੱਲੀਆਂ ਬੋਰੀਆਂ ਨੂੰ ਹੀ ਆਟਾ ਦਾਲ ਸਕੀਮ ਦੇ ਤਹਿਤ ਲਾਭਪਾਤਰੀਆਂ ਤੱਕ ਪਹੁੰਚਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ । 

ਇਹ ਕਿਸ ਦੀ ਨਾਕਾਮੀ ਹੈ ਜਾਂ ਇਸ ਦਾ ਕੌਣ ਜਿੰਮੇਦਾਰ ਹੈ ? ਇਹ ਤਾਂ ਅਧਿਕਾਰੀ ਹੀ ਦੱਸ ਸਕਦੇ ਹਨ ਪਰ ਤਸਵੀਰਾਂ ਵਿੱਚ ਤੁਹਾਨੂੰ ਸਾਫ ਦੱਸ ਰਹੇ ਕਿ ਕਿਵੇਂ ਗਿੱਲੀਆਂ ਬੋਰੀਆਂ ਨੂੰ ਹੀ ਟਰੱਕਾਂ ਵਿੱਚ ਲੱਦ ਕੇ ਲਾਭਪਾਤਰੀਆਂ ਤੱਕ ਪਹੁੰਚਾਉਣ ਦੀ ਅਧਿਕਾਰੀਆਂ ਵੱਲੋਂ ਕੋਸ਼ਿਸ਼ ਕੀਤੀ ਜਾ ਰਹੀ ਸੀ ਜਿਸ ਦੀਆਂ ਤਸਵੀਰਾਂ ਮੀਡੀਆ ਦੇ ਕੈਮਰਿਆਂ ਵਿੱਚ ਕੈਦ ਹੋ ਗਈਆਂ ਹਨ 

ਜਦ ਇਸ ਸਬੰਧੀ ਫੂਡ ਸਪਲਾਈ ਦੇ ਸੀਨੀਅਰ ਅਧਿਕਾਰੀ ਡੀ ਐਫ ਐਸ ਸੀ ਸੁਖਜਿੰਦਰ ਸਿੰਘ ਨਾਲ ਗੱਲਬਾਤ ਕੀਤੀ ਗਈ ਤਾਂ ਉਹਨਾਂ ਨੇ ਕਿਹਾ ਕਿ ਮੇਰੇ ਧਿਆਨ ਵਿੱਚ ਤੁਸੀਂ ਇਹ ਸਾਰਾ ਮਾਮਲਾ ਲਿਆਂਦਾ ਹੈ। ਇਸ ਦੀ ਸਾਰੀ ਜਾਂਚ ਡੀ ਐਫ ਐਸ ਓ ਗੁਰਦਾਸਪੁਰ ਤੋਂ ਇਸ ਦੀ ਜਾਂਚ ਕਰਾਵਾਂਗੇ ਕਿ ਇਸ ਦਾ ਕੌਣ ਜਿੰਮੇਦਾਰ ਹੈ ਅਤੇ ਕਿਸ ਨੇ ਇਸ ਤਰ੍ਹਾਂ ਦਾ ਵਤੀਰਾ ਕੀਤਾ ਹੈ। ਜਿੱਥੇ ਉਹਨਾਂ ਨੇ ਕਿਹਾ ਜਿਹੜੀਆਂ ਬੋਰੀਆਂ ਵੀ ਬਾਰਿਸ਼ ਵਿੱਚ ਗਿੱਲੀਆਂ ਹੋਈਆਂ ਹਨ ਉਹਨਾਂ ਦੀ ਵੀ ਇਨਕੁਆਇਰੀ ਕੀਤੀ ਜਾਏਗੀ ਕਿ ਉਹਨਾਂ ਉੱਪਰੋਂ ਤਰਪਾਲਾਂ ਜੇਕਰ ਹਵਾ ਨਾ ਉੱਡੀਆਂ ਸਨ ਤਾਂ ਕਿੰਨੀ ਦੇਰ ਪਹਿਲਾਂ ਉੱਡੀਆਂ ਸਨ ਤਾਂ ਕਿੰਨੇ ਘੰਟੇ ਉਹ ਬਾਰਿਸ਼ ਵਿੱਚ ਗਿੱਲੀਆਂ ਹੁੰਦੀਆਂ ਰਹੀਆਂ । ਉਨਾਂ ਨੂੰ ਤਰਪਾਲਾਂ ਨਾਲ ਢੱਕਣ ਦੀ ਕਿਸਦੀ ਜਿੰਮੇਦਾਰੀ ਸੀ। ਉਹਨਾਂ ਨੇ ਕਿਹਾ ਕਿ ਇਨਕੁਆਇਰੀ ਜਰੂਰ ਕੀਤੀ ਜਾਵੇਗੀ ਜੋ ਵੀ ਤੱਤ ਸਾਹਮਣੇ ਆਉਣਗੇ ਉਸਦੇ ਆਧਾਰ ਦੇ ਉੱਪਰ ਬੰਦੀ ਕਾਰਵਾਈ ਕੀਤੀ ਜਾਵੇਗੀ ਅਤੇ ਕਿਸੇ ਨੂੰ ਵੀ ਹੁਣ ਬਖਸ਼ਿਆ ਨਹੀਂ ਜਾਵੇਗਾ। 

Powered by Froala Editor

The Rain Has Opened The Polls Of Gurdaspur Grain Market Thousands Of Sacks Are Getting Wet In The Rain