73ਵੇਂ ਵਣ ਮਹਾਉਤਸਵ ਮੌਕੇ ਬਟਾਲਾ ਦੇ ਐਮ ਐਲ ਏ ਅਮਨ ਸ਼ੇਰ ਸਿੰਘ ਸ਼ੈਰੀ ਕਲਸੀ ਦੇ ਵਲੋਂ ਪੌਦੇ ਲਗਾਏ ਗਏ ਅਤੇ ਨਗਰ ਕਾਰਪੋਰਸ਼ਨ ਬਟਾਲਾ ਵਿਖੇ ਕਾਰਪੋਰੇਸ਼ਨ ਦੇ ਅਧਿਕਾਰੀਆਂ ਨਾਲ ਮੀਟਿੰਗ ਕੀਤੀ। ਇਸ ਮੌਕੇ ਆਪਣੇ ਕੰਮ ਲੈਕੇ ਪਹੁੰਚੇ ਲੋਕਾਂ ਦੀਆ ਮੁਸ਼ਕਿਲਾਂ ਵੀ ਸੁਣੀਆਂ। ਇਸ ਮੌਕੇ ਲੋਕਾਂ ਵਲੋਂ ਕਰਪੋਰੇਸ਼ਨ ਦੇ ਕੁਝ ਅਧਿਕਾਰੀਆ ਵਲੋਂ ਆਪਣਾ ਕੰਮ ਜਿੰਮੇਵਾਰੀ ਨਾਲ ਨਾ ਕਰਨ ਦੀਆਂ ਸ਼ਿਕਾਇਤਾਂ ਵੀ ਲਗਾਈਆਂ, ਜਿਸ ਤੋਂ ਨਾਰਾਜ਼ ਹੋਏ ਐਮ ਐਲ ਏ ਦੇ ਵਲੋਂ ਉਕਤ ਅਧਿਕਾਰੀਆਂ ਨੂੰ ਮੌਕੇ ਤੇ ਬੁਲਾ ਕੇ ਉਹਨਾਂ ਦੀ ਕਲਾਸ ਵੀ ਲਗਾਈ। ਇਸ ਮੌਕੇ ਐਮ ਐਲ ਏ ਨੇ ਜਿਥੇ ਵਣ ਮਹਾਉਤਸਵ ਨੂੰ ਲੈਕੇ ਕਿਹਾ ਕਿ ਸਾਨੂੰ ਸਭ ਨੂੰ ਆਪਣੀ ਜਿੰਮੇਵਾਰੀ ਸਮਝਦੇ ਹੋਏ ਵੱਧ ਤੋਂ ਵੱਧ ਪੌਦੇ ਲਗਾਉਂਣੇ ਚਾਹੀਦੇ ਹਨ ਅਤੇ ਓਹਨਾ ਦੀ ਸੰਭਾਲ ਵੀ ਕਰਨੀ ਚਾਹੀਦੀ ਹੈ ਤਾਕਿ ਆਪਣੇ ਵਾਤਾਵਰਣ ਨੂੰ ਸਾਫ ਸੁਥਰਾ ਬਣਾ ਸਕੀਏ ਅਤੇ ਵੱਧ ਰਹੇ ਪ੍ਰਦੂਸ਼ਣ ਨੱਥ ਪਾਈ ਜਾ ਸਕੇ । ਆਪਣੇ ਭਵਿੱਖ ਨੂੰ ਵਧੀਆ ਤੇ ਸਾਫ ਸੁਥਰੀ ਆਬੋ ਹਵਾ ਦੇ ਸਕੀਏ ਨਾਲ ਹੀ ਐਮ ਐਲ ਏ ਨੇ ਕਿਹਾ ਕਿ ਆਪ ਦੀ ਪੰਜਾਬ ਸਰਕਾਰ ਲੋਕਾਂ ਵਲੋਂ ਇਸ ਆਸ ਨਾਲ ਚੁਣੀ ਗਈ ਹੈ ਤਾਂਕਿ ਉਹਨਾਂ ਦੇ ਕੰਮ ਹੋ ਸਕਣ ਅਤੇ ਓਹਨਾ ਨੂ ਵਧੀਆ ਪ੍ਰਸ਼ਾਸਨ ਮਿਲ ਸਕੇ। ਓਹਨਾਂ ਕਿਹਾ ਕਿ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੂੰ ਵੀ ਆਪਣੇ ਕੰਮ ਜਿੰਮੇਵਾਰੀ ਨਾਲ ਕਰਨੇ ਚਾਹੀਦੇ ਹਨ ਤਾਂਕਿ ਲੋਕਾਂ ਨੂੰ ਕੋਈ ਮੁਸ਼ਕਿਲ ਨਾ ਆਵੇ ਓਹਨਾਂ ਕਿਹਾ ਲੋਕਾਂ ਦੇ ਕੰਮਾਂ ਨੂੰ ਲੈਕੇ ਕੋਈ ਵੀ ਅਤੇ ਕਿਸੇ ਵੀ ਤਰ੍ਹਾਂ ਦੀ ਕੋਤਾਹੀ ਨਹੀਂ ਮਨਜ਼ੂਰ ਕੀਤੀ ਜਾਵੇਗੀ।

Powered by Froala Editor

On The Occasion Of The 73rd Forest Mahautsav Mla Batala Planted Saplings Held A Meeting At The Corporation Office And Organized A Class Of Corporation Officials Who Do Not Work For The People