June 23, 2020 00:00:00

Daily Dharaledar / Punjab

ਪੰਜਾਬ -ਚ ਕੋਰੋਨਾ ਦਾ ਕਹਿਰ ਜਾਰੀ ਹੈ। ਮੰਗਲਵਾਰ ਨੂੰ 32 ਨਵੇਂ ਪਾਜ਼ੇਟਿਵ ਕੇਸ ਸਾਹਮਣੇ ਆਏ। ਇਨ੍ਹਾਂ ਵਿਚੋਂ 20 ਬਠਿੰਡਾ, 11 ਮੋਗਾ ਤੇ 1 ਮਾਨਸਾ ਤੋਂ ਹੈ। ਬਠਿੰਡਾ -ਚ ਆਏ 20 ਪਾਜ਼ੇਟਿਵ ਕੇਸਾਂ -ਚੋਂ ਕੁਝ ਬਾਹਰਲੇ ਰਾਜਾਂ ਤੋਂ ਪਰਤੇ ਸਨ। ਇਸ ਤਰ੍ਹਾਂ ਜ਼ਿਲ੍ਹੇ -ਚ ਪੀੜਤਾਂ ਦੀ ਗਿਣਤੀ 102 ਹੋ ਗਈ ਹੈ।ਮੰਗਲਵਾਰ ਸਵੇਰੇ ਆਈਆਂ ਰਿਪੋਰਟਾਂ ਮੁਤਾਬਕ ਮੋਗਾ -ਚ ਵੀ ਕੋਰੋਨਾ ਦੇ ਨਵੇਂ 11 ਕੇਸ ਆਉਣ ਨਾਲ ਇਲਾਕੇ -ਚ ਸਹਿਮ ਦਾ ਮਾਹੌਲ ਬਣਿਆ ਹੋਇਆ ਹੈ। ਮਾਨਸਾ ਦੇ ਕਸਬਾ ਸਰਦੂਲਗੜ੍ਹ ਲਾਗਲੇ ਪਿੰਡ ਫੂਸਮੰਡੀ ਵਿਖੇ ਦਿੱਲੀ ਤੋਂ ਆਪਣੀ ਰਿਸ਼ਤੇਦਾਰੀ -ਚ ਆਈ ਔਰਤ ਦਾ ਕੋਰੋਨਾ ਟੈਸਟ ਪਾਜ਼ੇਟਿਵ ਪਾਇਆ ਗਿਆ ਹੈ। ਐੱਸਐੱਮਓ ਸਰਦੂਲਗੜ੍ਹ ਡਾ. ਹਰਚੰਦ ਸਿੰਘ ਨੇ ਦੱਸਿਆ ਕਿ 18 ਜੂਨ ਨੂੰ ਤਕਰੀਬਨ 60 ਸਾਲਾ ਔਰਤ ਆਪਣੀ ਭਾਣਜੀ ਨੂੰ ਮਿਲਣ ਆਈ ਸੀ। ਬਾਹਰਲੇ ਸੂਬੇ ਤੋਂ ਹੋਣ ਕਾਰਨ ਉਸ ਦਾ 19 ਜੂਨ ਨੂੰ ਟੈਸਟ ਲਿਆ ਗਿਆ ਸੀ ਜੋ ਕਿ ਉਸ ਦੀ ਰਿਪੋਰਟ ਪਾਜ਼ੇਟਿਵ ਪਾਈ ਗਈ। ਉਸ ਨੂੰ ਸਿਵਲ ਹਸਪਤਾਲ ਮਾਨਸਾ ਵਿਖੇ ਆਈਸੋਲੇਸ਼ਨ ਵਾਰਡ -ਚ ਇਲਾਜ ਲਈ ਭੇਜ ਦਿੱਤਾ ਗਿਆ ਹੈ।

Daily Dharaledar Online News Views and Reviews