ਪੰਜਾਬ ‘ਚੀਫ ਸਕੱਤਰ ਅਤੇ ਹੋਰ ਅਫਸਰਸ਼ਾਹੀ ਵਿੱਚ ਹੋਏ ਬਦਲਾਵ ਨੂੰ ਇੱਕ ਵੱਡੀ ਸਿਆਸੀ ਹਲਚਲ ਦੀ ਆਹਟ ਮੰਨਿਆ ਜਾ ਰਿਹਾ ਹੈ। ਜਿਵੇਂ ਕਰਨ ਅਵਤਾਰ ਸਿੰਘ ਵਰਗੇ ਧਾਕੜ ਚੀਫ਼ ਸੈਕਟਰੀ ਨੂੰ ਆਪਣੀ ਸੇਵਾਮੁਕਤੀ ਤੋਂ ਦੋ ਮਹੀਨੇ ਪਹਿਲਾਂ ਮੁੱਖ ਸਕੱਤਰ ਦੇ ਅਹੁਦੇ ਤੋਂ ਲਾਂਭੇ ਕਰ ਵਿਨੀ ਮਹਾਜਨ ਨੇ ਥਾਂ ਲੈ ਲਈ, ਇਸੇ ਤਰ੍ਹਾਂ ਰਾਜ ਮੰਤਰੀ ਮੰਡਲ ਵਿਚ ਵੀ ਹੈਰਾਨੀਜਨਕ ਤਬਦੀਲੀਆਂ ਹੋ ਸਕਦੀਆਂ ਹਨ। ਭਰੋਸੇ ਯੋਗ ਸੂਤਰਾਂ ਅਨੁਸਾਰ ਪਿਛਲੇ ਲੰਬੇ ਸਮੇਂ ਤੋਂ ਨਰਾਜ ਹੋਏ ਸਾਬਕਾ ਮੰਤਰੀ ਨਵਜੋਤ ਸਿੱਧੂ ਦੀ ਕੈਪਟਨ ਅਮਰਿੰਦਰ ਸਿੰਘ ਦੀ ਸਰਕਾਰ ਵਿਚ ਵਾਪਸ ਹੋਣ ਦਾ ਪੂਰਾ ਮਹੌਲ ਬਣ ਚੁਕਿਆ ਹੈ। ਉਨ੍ਹਾਂ ਨੂੰ ਉਪ ਮੁੱਖ ਮੰਤਰੀ ਬਣਾਉਣ ਲਈ ਵਿਚਾਰ ਵਟਾਂਦਰਾ ਚੱਲ ਰਿਹਾ ਹੈ ਅਤੇ ਇਸ ਸਬੰਧੀ ਸੋਨੀਆਂ ਗਾਂਧੀ ਤੇ ਪ੍ਰਿਯੰਕਾ ਗਾਂਧੀ ਨੇ ਵੀ ਸਹਿਮਤੀ ਦੇ ਦਿੱਤੀ ਹੈ। ਕੈਪਟਨ ਦੇ ਕੁਝ ਨਜ਼ਦੀਕੀ ਮੰਤਰੀ ਕੈਪਟਨ ਦੇ ਅਜਿਹਾ ਕਰਨ ਤੋਂ ਨਾਖ਼ੁਸ਼ ਹਨ ਦੇਖੋ ਊਂਠ ਕਿਸ ਕਰਵਟ ਬੈਠਦਾ ਹੈ। By-Dharaledar Bureau

Daily Dharaledar Online News Views and Reviews