September 20, 2025
Rajni / Jalandhar
Reporter..Rajni
ਆੰਗਣਵਾੜੀ ਵਰਕਰਾਂ ਦਾ ਅਲਟੀਮੇਟਮ: 28 ਸਤੰਬਰ ਤੋਂ ਹੜਤਾਲ ਤੇ ਐਪ ਬੰਦ!
ਜਲੰਧਰ, 20 ਸਤੰਬਰ 2025 :
ਆਂਗਣਵਾੜੀ ਮੁਲਾਜ਼ਮ ਯੂਨੀਅਨ ਪੰਜਾਬ (ਸੀਟੂ) ਦੀ ਅਗਵਾਈ ਹੇਠ ਅੱਜ ਨਿਰਲੇਪ ਕੌਰ ਦੀ ਪ੍ਰਧਾਨਗੀ ਵਿੱਚ ਹੋਈ ਮੀਟਿੰਗ ਦੌਰਾਨ ਕੇਂਦਰ ਅਤੇ ਪੰਜਾਬ ਸਰਕਾਰ ਦੀਆਂ ਨੀਤੀਆਂ 'ਤੇ ਗੰਭੀਰ ਚਰਚਾ ਕੀਤੀ ਗਈ। ਜਨਰਲ ਸਕੱਤਰ ਕ੍ਰਿਸ਼ਨਾ ਕੁਮਾਰੀ ਨੇ ਦੱਸਿਆ ਕਿ ਆਈ.ਸੀ.ਡੀ.ਐਸ ਸਕੀਮ 50 ਸਾਲ ਪੂਰੇ ਕਰ ਚੁੱਕੀ ਹੈ, ਪਰ ਵਰਕਰ ਅਤੇ ਹੈਲਪਰ ਅਜੇ ਵੀ ਘੱਟ ਮਾਨਭੱਤੇ 'ਤੇ ਕੰਮ ਕਰਨ ਲਈ ਮਜਬੂਰ ਹਨ। ਕਿਰਾਏ ਅਤੇ ਭੱਤੇ ਸਮੇਂ 'ਤੇ ਨਾ ਮਿਲਣ ਕਾਰਨ ਰੋਸ ਜਤਾਇਆ ਗਿਆ। ਪੋਸ਼ਣ ਟਰੈਕ ਐਪ ਤੇ ਕੰਮ ਲਈ ਮਿਲਣ ਵਾਲਾ ਇਨਸੈਂਟਿਵ ਵੀ ਦਸੰਬਰ 2023 ਤੋਂ ਬਾਅਦ ਜਾਰੀ ਨਹੀਂ ਹੋਇਆ, ਜਦੋਂ ਕਿ ਹੈਲਪਰਾਂ ਨੂੰ ਪੂਰਾ ਭੁਗਤਾਨ ਨਹੀਂ ਮਿਲਿਆ।
ਯੂਨੀਅਨ ਨੇ ਚੇਤਾਵਨੀ ਦਿੱਤੀ ਕਿ ਜੇ 28 ਸਤੰਬਰ ਤੱਕ ਮੋਬਾਇਲ ਸਹੂਲਤ, ਰੋਕਿਆ ਮਾਨਭੱਤਾ ਅਤੇ ਹੋਰ ਸਮੱਸਿਆਵਾਂ ਦਾ ਹੱਲ ਨਾ ਹੋਇਆ ਤਾਂ ਆਂਗਣਵਾੜੀ ਵਰਕਰ ਪੋਸ਼ਣ ਟਰੈਕ ਐਪ ਤੇ ਸਾਰੇ ਕੰਮ ਬੰਦ ਕਰਦੇ ਹੋਏ ਕਲਮ ਛੱਡ ਹੜਤਾਲ 'ਤੇ ਜਾਣਗੇ। ਉਹਨਾਂ ਨੇ ਦੋਸ਼ ਲਾਇਆ ਕਿ ਅਧਿਕਾਰੀ ਨਾ ਸਿਰਫ਼ ਜ਼ਿੰਮੇਵਾਰੀਆਂ ਨਿਭਾਉਣ ਵਿੱਚ ਨਾਕਾਮ ਹਨ, ਸਗੋਂ ਬਦਸਲੂਕੀ ਵੀ ਕਰ ਰਹੇ ਹਨ, ਜਿਸ ਨਾਲ ਸਾਰੇ ਵਰਕਰਾਂ ਵਿੱਚ ਗਹਿਰਾ ਗੁੱਸਾ ਹੈ।
Powered by Froala Editor
28
