ਗਰੀਨ ਇੰਡੀਆ ਵੈਲਫੇਅਰ ਸੋਸਇਟੀ, ਪਤੰਜਲੀ ਯੋਗ ਸਮਿਤੀ ਅਤੇ ਭਾਰਤ ਸਵਾਭਿਮਾਨ ਟਰੱਸਟ ਪਟਿਆਲਾ ਵੱਲੋਂ ਵੇਰਕਾ ਮਿਲਕ ਪਟਿਆਲਾ ਸਹਿਯੋਗ ਨਾਲ ਛੋਟੀ ਬਾਰਾਦਰੀ ਪਾਰਕ ਵਿਖੇ ਪਟਿਆਲਾ ਇੰਟਰਨੈਸ਼ਨਲ ਯੋਗਾ ਡੇ ਮਨਾਇਆ ਗਿਆ। ਗਰੀਨ ਇੰਡੀਆ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਹਰਪਾਲ ਸਿੰਘ ਸੇਠੀ ਅਤੇ ਮੁੱਖ ਮਹਿਮਾਨ ਡਾ. ਅਮਿਤ ਗਰਗ ਜਨਰਲ ਮੈਨੇਜਰ ਵੇਰਕਾ ਮਿਲਕ ਪਲਾਂਟ ਅਤੇ ਉਹਨਾਂ ਦੀ ਟੀਮ ਪਹੁੰਚੀ ਅਤੇ ਯੋਗ ਸ਼ਿਵਰ ਵਿੱਚ ਗੁਰਦੀਪ ਸਿੰਘ ਯੋਗ ਟੀਚਰ ਵਲੋਂ ਆਏ ਹੋਏ ਤਕਰੀਬਨ 100 ਦੇ ਕਰੀਬ ਲੋਕਾਂ ਨੂੰ ਯੋਗ ਕਰਵਾਇਆ ਗਿਆ। ਉਨਾਂ ਨੇ ਕਿਹਾ ਕਿ ਯੋਗ ਨਾਲ ਹੀ ਵਿਅਕਤੀ ਆਪਣੀ ਕਾਇਆ ਨੂੰ ਨਿਰੋਗ ਰੱਖ ਸਕਦਾ ਹੈ। ਇਸ ਮੌਕੇ ਉੱਤੇ ਸਾਂਝ ਕੇਂਦਰ ਕੋਤਵਾਲੀ ਪਟਿਆਲਾ ਦੀ ਟੀਮ ਨੇ ਵੀ ਆਪਣਾ ਵਿਸ਼ੇਸ਼ ਯੋਗਦਾਨ ਪਾਇਆ। ਇਸ ਦੇ ਉਪਰੰਤ ਆਏ ਹੋਏ ਸਾਰੇ ਮੈਂਬਰਾਂ ਨੂੰ ਰਿਫਰੈਸ਼ਮੈਂਟ ਵੀ ਦਿੱਤੀ ਗਈ। ਇਸ ਮੌਕੇ ਗੁਰਦੀਪ ਸਿੰਘ ਯੋਗਾ ਅਧਿਆਪਕ, ਤਨੂ ਸਹਿਜ ਯੋਗਾ ਅਧਿਆਪਕਾ, ਆਰ.ਪੀ. ਸੂਦ, ਸੰਦੀਪ ਬਾਂਸਲ, ਰਾਜੇਸ਼, ਮੋਹਿੰਦਰ ਖੰਨਾ, ਨਰਿੰਦਰ ਸ਼ਰਮਾ, ਕੁਲਦੀਪ ਕੌਰ, ਪੂਨਮ, ਅਨੀਤਾ, ਬਾਲਾ, ਕਾਮਨੀ, ਸ਼ਸ਼ੀ ਅਤੇ ਹੋਰ ਮੈਂਬਰ ਮੌਕੇ ਤੇ ਹਾਜ਼ਰ ਸਨ। ਫੋਟੋ ਗੈਲਰੀ - ਯੋਗ ਦਿਵਸ ਮੌਕੇ ਤੇ ਸੰਯੁਕਤ ਫੋਟੋ ਖਿਚਵਾਉਂਦੇ ਹੋਏ ਮੁੱਖ ਮਹਿਮਾਨ ਅਤੇ ਸਾਰੇ ਮੈਂਬਰ।

Punjabi Khabran