ਭਾਰਤੀ ਚੋਣ ਕਮਿਸ਼ਨ (ECI) ਨੇ ਨਵੇਂ ਵੋਟਰਾਂ ਵੱਲੋਂ ਵੋਟਰ ਸੂਚੀ ਵਿੱਚ ਨਾਮ ਸ਼ਾਮਲ ਕਰਵਾਉਣ ਲਈ ਭਰੇ ਜਾਂਦੇ ਆਨਲਾਈਨ Form 6 ਨਾਲ ਜੁੜਿਆ ਵਾਧੂ SIR ਘੋਸ਼ਣਾ ਪੱਤਰ ਵਾਪਸ ਲੈ ਲਿਆ ਹੈ। ਇਹ ਬਦਲਾਅ ਉਨ੍ਹਾਂ ਸੂਬਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿੱਚ ਲਾਗੂ ਕੀਤਾ ਗਿਆ ਹੈ, ਜਿੱਥੇ Special Intensive Revision (SIR) ਦੀ ਪ੍ਰਕਿਰਿਆ ਪੂਰੀ ਹੋ ਚੁੱਕੀ ਹੈ। ਜਾਣਕਾਰੀ ਮੁਤਾਬਕ 26 ਸਤੰਬਰ ਦੀ ਕਮਿਸ਼ਨ ਮੀਟਿੰਗ ਵਿੱਚ ਫ਼ੈਸਲਾ ਕੀਤਾ ਗਿਆ ਸੀ ਕਿ ਇਹ ਵਾਧੂ ਘੋਸ਼ਣਾ ਪੱਤਰ ਸਿਰਫ਼ SIR ਦੌਰਾਨ ਹੀ ਲਾਗੂ ਰਹੇਗਾ। SIR ਪੂਰੀ ਹੋਣ ਵਾਲੇ ਸੂਬਿਆਂ ਵਿੱਚ ਇਸਨੂੰ ECINET ਐਪ ਅਤੇ ਪੋਰਟਲ ਤੋਂ ਹਟਾ ਦਿੱਤਾ ਗਿਆ ਹੈ ਅਤੇ ਨਵੇਂ ਬਿਨੈਕਾਰ ਹੁਣ Registration of Electors Rules, 1960 ਤਹਿਤ ਨਿਰਧਾਰਤ Form 6 ਹੀ ਭਰਨਗੇ। ਹਾਲਾਂਕਿ, ਜਿਨ੍ਹਾਂ ਸੂਬਿਆਂ ਵਿੱਚ SIR ਅਜੇ ਜਾਰੀ ਹੈ, ਉੱਥੇ ਇਹ ਵਾਧੂ ਘੋਸ਼ਣਾ ਪੱਤਰ ਫਿਲਹਾਲ ਪੋਰਟਲ ’ਤੇ ਮੌਜੂਦ ਰਹੇਗਾ। ਇਹ ਮਾਮਲਾ ਚੋਣ ਕਮਿਸ਼ਨ ਦੇ ਅੰਦਰ ਵੀ ਚਰਚਾ ਦਾ ਵਿਸ਼ਾ ਬਣਿਆ ਸੀ ਅਤੇ ਚੋਣ ਕਮਿਸ਼ਨਰ ਸੁਖਬੀਰ ਸਿੰਘ ਸੰਧੂ ਤੇ ਵਿਵੇਕ ਜੋਸ਼ੀ ਵੱਲੋਂ ਇਸ ਤਬਦੀਲੀ ’ਤੇ ਇਤਰਾਜ਼ ਦਰਜ ਕੀਤੇ ਜਾਣ ਦੀਆਂ ਰਿਪੋਰਟਾਂ ਸਾਹਮਣੇ ਆਈਆਂ ਸਨ।

Election Commission Eci Form 6 Sir Voter Registration New Voters Electoral Roll Ecinet Voter List Election News India News Election Update Voting Rights Voter Registration Update