ਧੜੱਲੇਦਾਰ ਬਿਊਰੋ ਫੇਜ਼-11 ਧਰਨੇ ‘ਚ ਪਹੁੰਚੇ ਕੁਲਵੰਤ ਸਿੰਘ, ਲੋਕਾਂ ਨੂੰ ਭੜਕਾਵੇ ਤੋਂ ਦੂਰ ਰਹਿਣ ਦੀ ਅਪੀਲ ਮੋਹਾਲੀ, 16 ਦਸੰਬਰ 2025 : ਵਿਧਾਇਕ ਮੋਹਾਲੀ ਕੁਲਵੰਤ ਸਿੰਘ ਨੇ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਸਰਕਾਰ ਲੋਕਾਂ ਦੇ ਭਰੋਸੇ ਨਾਲ ਬਣੀ ਹੈ ਅਤੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਸੂਬੇ ਦੇ ਵਿਕਾਸ ਅਤੇ ਲੋਕਾਂ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਲਗਾਤਾਰ ਕੰਮ ਕੀਤਾ ਜਾ ਰਿਹਾ ਹੈ। ਉਹ ਫੇਜ਼-11 ਵਿੱਚ ਦੰਗਾ ਪੀੜਤਾਂ ਅਤੇ ਦੁਕਾਨਦਾਰਾਂ ਦੇ ਧਰਨੇ ਦੌਰਾਨ ਲੋਕਾਂ ਨਾਲ ਮਿਲੇ ਅਤੇ ਸਪਸ਼ਟ ਕੀਤਾ ਕਿ ਮੋਹਾਲੀ ਵਿੱਚ ਹੋ ਰਹੀ ਕਾਰਵਾਈ ਸਰਕਾਰ ਨਹੀਂ, ਸਗੋਂ ਮਾਣਯੋਗ ਹਾਈਕੋਰਟ ਦੇ ਹੁਕਮਾਂ ਅਧੀਨ ਹੈ। ਉਨ੍ਹਾਂ ਦੱਸਿਆ ਕਿ ਗਮਾਡਾ ਦੀ ਨੀਡ ਬੇਸ ਪਾਲਿਸੀ ਅਨੁਸਾਰ ਇਹ ਕਾਰਵਾਈ ਹੋ ਰਹੀ ਹੈ ਅਤੇ ਕੁਝ ਰਾਜਨੀਤਿਕ ਪਾਰਟੀਆਂ ਲੋਕਾਂ ਨੂੰ ਗੁਮਰਾਹ ਕਰ ਰਹੀਆਂ ਹਨ। ਕੁਲਵੰਤ ਸਿੰਘ ਨੇ ਮੰਨਿਆ ਕਿ ਸਮੇਂ ਸਿਰ ਫੀਸ ਅਤੇ ਫਾਰਮ ਨਾ ਭਰਨ ਕਾਰਨ ਸਮੱਸਿਆ ਪੈਦਾ ਹੋਈ, ਪਰ ਅਜੇ ਵੀ ਨੀਡ ਬੇਸ ਪਾਲਿਸੀ ਲਾਗੂ ਕਰਵਾਉਣ ਲਈ ਕੋਸ਼ਿਸ਼ ਜਾਰੀ ਹੈ। ਉਨ੍ਹਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਕਿਸੇ ਦੇ ਭੜਕਾਵੇ ਵਿੱਚ ਨਾ ਆਉਣ ਅਤੇ ਕਾਨੂੰਨੀ ਮਸਲਿਆਂ ਦਾ ਹੱਲ ਅਦਾਲਤ ਰਾਹੀਂ ਹੀ ਨਿਕਲਦਾ ਹੈ।

11