July 2, 2020 00:00:00
Daily Dharaledar / Punjab
ਪਟਿਆਲਾ, 2 ਜੁਲਾਈ- ਪਟਿਆਲਾ ਤਹਿਸੀਲ ਦੇ ਜੀ ਓ ਜੀ ਤਹਿਸੀਲ ਮੁਖੀ ਕਰਨਲ (ਰਿਟਾ.) ਬਲਦੇਵ ਸਿੰਘ ਨੇ ਜ਼ਿਲ੍ਹਾ ਸੈਨਿਕ ਬੋਰਡ ਪਟਿਆਲਾ ਵਿਖੇ ਜੀ ਓ ਜੀ ਨਾਲ ਮੀਟਿੰਗ ਕੀਤੀ। ਇਸ ਦੌਰਾਨ ਜੀ ਓ ਜੀ ਨੇ ਭਾਰਤ ਅਤੇ ਚੀਨ ਸਰਹੱਦ -ਤੇ ਹਾਲ ਵਿਚ ਸ਼ਹੀਦ ਹੋਏ ਭਾਰਤੀ ਫ਼ੌਜ ਦੇ ਜਵਾਨਾਂ ਨੂੰ ਮੋਨ ਧਾਰਨ ਕਰਕੇ ਭਾਵਪੂਰਨ ਸ਼ਰਧਾਂਜਲੀ ਦਿੱਤੀ। ਕਰਨਲ ਬਲਦੇਵ ਸਿੰਘ ਨੇ ਦੱਸਿਆ ਕਿ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਕੋਵਿਡ-19 ਵਿਰੁੱਧ ਸ਼ੁਰੂ ਕੀਤੇ ਮਿਸ਼ਨ ਫਤਿਹ ਨੂੰ ਕਾਮਯਾਬ ਕਰਨ ਲਈ ਜੀ ਓ ਜੀ ਅੱਗੇ ਆਏ ਹਨ ਅਤੇ ਉਹ ਪਿੰਡਾਂ ਵਿੱਚ ਜਾ ਕੇ ਲੋਕਾਂ ਨੂੰ ਕਰੋਨਾ ਮਹਾਂਮਾਰੀ ਬਾਰੇ ਜਾਗਰੂਕ ਕਰਦੇ ਹੋਏ ਆਪਸੀ ਦੂਰੀ, ਮਾਸਕ ਪਾਉਣ, ਹੱਥ ਧੋਣ ਦਾ ਮਹੱਤਵ ਦੱਸ ਰਹੇ ਹਨ। ਕਰਨਲ ਬਲਦੇਵ ਸਿੰਘ ਨੇ ਕਿਹਾ ਕਿ ਜੀ ਓ ਜੀ ਨੂੰ ਕਿਹਾ ਗਿਆ ਕਿ -ਅਸੀਂ ਕਰੋਨਾ -ਤੇ ਕਾਬੂ ਪਾਉਣ ਲਈ ਸਰਕਾਰ ਦਾ ਸਾਥ ਦੇਣਾ ਹੈ ਅਤੇ ਸਰਕਾਰ ਦੀਆਂ ਸਕੀਮਾਂ ਨੂੰ ਲੋੜਵੰਦਾਂ ਤੱਕ ਲੈਕੇ ਜਾਣਾ ਹੈ-। ਇਸ ਮੌਕੇ ਪਟਿਆਲਾ ਬਲਾਕ ਦੀ ਵਾਟਰ ਸਪਲਾਈ ਤੇ ਸੈਨੀਟੇਸ਼ਨ ਵਿਭਾਗ ਦੀ ਟੀਮ ਵੀ ਉਚੇਚੇ ਤੌਰ -ਤੇ ਪਹੁੰਚੀ ਜਿਸ ਵਿਚ ਐਸ ਡੀ ਓ ਮੈਡਮ ਯਸ਼ਿਕਾ, ਐਸੀਸਟੈਂਟ ਇੰਜੀਨੀਅਰ ਜਗਜੀਤ ਸਿੰਘ ਅਤੇ ਵਾਟਰ ਸਪਲਾਈ ਕੋਰਡੀਨੇਟਰ ਮੈਡਮ ਸਪਨਾ ਵੀ ਪਹੁੰਚੇ। 
ਵਾਟਰ ਸਪਲਾਈ ਟੀਮ ਨੇ ਵਾਟਰ ਸਪਲਾਈ ਦੀ ਵਾਲੰਟੀਅਰ ਡਿਸਕਲੋਜਰ ਸਕੀਮ ਬਾਰੇ ਜਾਣਕਾਰੀ ਦਿੱਤੀ ਜਿਸ ਵਿਚ ਜੋ ਪਾਣੀ ਦੇ ਕੁਨੈਕਸ਼ਨ ਰੈਗੂਲਰ ਨਹੀਂ ਹਨ ਉਹਨਾਂ ਨੂੰ 15 ਜੂਨ ਤੋਂ 15 ਜੁਲਾਈ ਤੱਕ ਰੈਗੂਲਰ ਕਰਵਾ ਸਕਦੇ ਹਨ। ਉਨ੍ਹਾਂ ਤੇ ਕੋਈ ਜੁਰਮਾਨਾ ਨਹੀਂ ਪਵੇਗਾ, ਜਿਸਨੇ ਨਵਾਂ ਕੂਨੇਕਸਨ ਲੈਣਾ ਹੈ ਉਹ ਨਵਾਂ ਕੁਨੈਕਸਨ ਲੈ ਸਕਦਾ ਹੈ, ਉਨ੍ਹਾਂ ਇਸ ਕੰਮ ਵਿੱਚ ਜੀ ਓ ਜੀ ਦੀ ਮਦਦ ਮੰਗੀ। ਇਸ ਮੀਟਿੰਗ ਵਿੱਚ ਸੁਪਰਵਾਈਜਰ ਹਾਕਮ ਸਿੰਘ, ਸੁਪਰਵਾਈਜਰ ਭਜਨ ਪਰਕਾਸ਼, ਕੈਪਟਨ ਹਰਭਜਨ ਸਿੰਘ, ਕੈਪਟਨ ਇੰਦਰਜੀਤ ਸਿੰਘ, ਕੈਪਟਨ ਮਲਕੀਤ ਸਿੰਘ, ਕੈਪਟਨ ਗੁਰਚਰਨ ਸਿੰਘ, ਕੈਪਟਨ ਰੱਤੀ ਰਾਮ, ਸੂਬੇਦਾਰ ਬਨਾਰਸੀ ਦਾਸ, ਸੂਬੇਦਾਰ ਪੂਰਨ ਸਿੰਘ, ਸੁਬੇਦਾਰ ਤਾਜ ਮੁਹੰਮਦ, ਸੂਬੇਦਾਰ ਭੂਪਿੰਦਰ ਸਿੰਘ, ਹਵਲਦਾਰ ਬਲਦੇਵ ਸਿੰਘ, ਜੇ ਡਬਲਿਊ ਸਰਵਣ ਸਿੰਘ, ਸੂਬੇਦਾਰ (ਸਾਰੇ ਸੇਵਾ ਮੁਕਤ) ਗੁਰਤੇਜ ਸਿੰਘ ਅਤੇ ਹੋਰ ਜੀ ਓ ਜੀ ਹਾਜਰ ਸਨ।
Daily Dharaledar Online News Views and Reviews
